जयवर्धनेची कसोटीतून निवृत्तीची घोषणा

श्रीलंकेचा माजी कर्णधार माहेला जयवर्धने याने घरच्या मैदानावर दक्षिण आफ्रिका आणि पाकिस्तानविरुद्ध होणाऱ्या मालिकेनंतर कसोटी क्रिकेटमधून निवृत्ती घेणार असल्याची घोषणा केली आहे़

कोलंबो : श्रीलंकेचा माजी कर्णधार माहेला जयवर्धने याने घरच्या मैदानावर दक्षिण आफ्रिका आणि पाकिस्तानविरुद्ध होणाऱ्या मालिकेनंतर कसोटी क्रिकेटमधून निवृत्ती घेणार असल्याची घोषणा केली आहे़
श्रीलंका क्रिकेटने (एसएलसी) वृत्तसंस्थेला सांगितले की, जयवर्धने याने मुख्य कार्यकारी अधिकारी एश्ले डिसिल्वा यांना पत्र लिहून कसोटी क्रिकेटमधून निवृत्ती घेण्याची इच्छा व्यक्त केली आहे़
जयवर्धने म्हणाला, गत १८ वर्षे क्रिकेटद्वारे देशाची सेवा करण्याची संधी मिळाली, याचे समाधान आहे़ कसोटीतून निवृत्तीची घोषणा करण्याचा निर्णय माझ्यासाठी खूप कठीण होता; मात्र हीच कसोटीतून निवृत्त होण्याची योग्य वेळ असल्याचे माझे मत आहे़ हा अनुभवी फलंदाज १६ आणि २४ जुलैला दक्षिण आफ्रिकेविरुद्ध होणाऱ्या २ सामन्यांत देशाचे प्रतिनिधित्व करणार आहे़ त्यानंतर आॅगस्टमध्ये पाकिस्तानविरुद्ध होणाऱ्या २ सामन्यांच्या कसोटी मालिकेत तो आपले योगदान देणार आहे़ जयवर्धने याने आपण वन-डेत खेळत राहणार असल्याचे सांगितले आहे़ (वृत्तसंस्था)