राहुल आवारेची जागतिक क्रमवारीत गरुड भरारी; बजरंग पुनियानं अव्वल स्थान गमावलं
By ऑनलाइन लोकमत | Published: September 27, 2019 12:54 PM2019-09-27T12:54:27+5:302019-09-27T12:55:02+5:30
जागतिक कुस्ती अजिंक्यपद स्पर्धेत भारताला 61 किलो वजनी गटात कांस्यपदक पटकावून देणाऱ्या महाराष्ट्राच्या राहुल आवारेने जागतिक कुस्ती क्रमवारीत गरुड भरारी घेतली आहे.
राहुल आवारेची जागतिक क्रमवारीत गरुड भरारी; बजरंग पुनियानं अव्वल स्थान गमावलं
जागतिक कुस्ती अजिंक्यपद स्पर्धेत भारताला 61 किलो वजनी गटात कांस्यपदक पटकावून देणाऱ्या महाराष्ट्राच्या राहुल आवारेने जागतिक कुस्ती क्रमवारीत गरुड भरारी घेतली आहे. शिवाय या स्पर्धेत रौप्यपदक विजेत्या दीपक पुनियानं 65 किलो वजनी गटाच्या क्रमवारीत अव्वल स्थान पटकावले आहे, तर बजरंग पुनियाला अव्वल स्थान गमवावे लागले. राहुलने 61 किलो वजनी गटात कांस्यपदकाच्या लढतीत अमेरिकेच्या टेलर ग्राफचा 11-4 असा पराभव केला. या स्पर्धेत भारताने चार कांस्य व एक रौप्यपदक जिंकले आहे.
2018 मध्ये युवा राष्ट्रकुल स्पर्धेत सुवर्णपदक जिंकून आंतरराष्ट्रीय स्तरावर स्वतःची दखल घेण्यास भाग पाडले. पुढच्याच वर्षी त्याने कनिष्ठ आशियाई स्पर्धेत सुवर्ण जिंकले. जागतिक कनिष्ठ स्पर्धेतही त्याने रौप्यपदक जिंकले. नुकतेच 'लोकमत'ने त्याला 'महाराष्ट्रीयन ऑफ द इअर' या पुरस्काराने गौरविले होते.
— Rahul Aware wrestler (@rahulbaware1) September 27, 2019
86 किलो वजनी गटात दीपकने अंतिम फेरीत प्रवेश करून इतिहास घडवला, परंतु दुखापतीमुळे त्याला माघार घ्यावी लागली. त्यामुळे त्याला रौप्यपदकावर समाधान मानावे लागले. या कामगिरीच्या जोरावर 20 वर्षीय दीपकने 86 किलो वजनी गटाच्या अव्वल स्थानी झेप घेतली. 65 किलो वजनी गटात बजरंगची दुसऱ्या स्थानी घसरण झाली.
57 किलो वजनी गटातील कांस्यपदक विजेत्या रवी दहीयानेही अव्वल पाचात स्थान पटकावले. महिलांमध्ये विनेश फोगाटने कांस्यपदकाच्या कमाई करताना 53 किलो वजनी गटाच्या दुसऱ्या स्थानावर झेप घेतली.
Star Indian wrestler 20 yr old Deepak Punia, who won Silver medal (FS 86kg) in World Wrestling Championships, is World No. 1 NOW in latest rankings.
— India_AllSports (@India_AllSports) September 27, 2019
Vinesh Phogat, jumped 4 places to be World No. 2.
Such a proud moment pic.twitter.com/jy3F5tOfLP
Indian wrestlers on top! 🤼♀️🤼♂️🔝🇮🇳
— SAIMedia (@Media_SAI) September 27, 2019
Youngster #DeepakPunia becomes World #1 in men’s 86 kg freestyle after winning silver🥈at World C’ships.
🔸@Phogat_Vinesh climbs to number #2 in women’s 53 kg.
🔹 @BajrangPunia is number #2 in men’s 65 kg freestyle.
Congratulations! 👏🏻👏🏻🎊 pic.twitter.com/QGJ11vm8oG
