अफलातून! विनेश फोगाटची सेमीफायनलमध्ये धडक, भारताच्या पदकाच्या आशा वाढल्या!!
By ऑनलाइन लोकमत | Published: August 6, 2024 04:45 PM2024-08-06T16:45:05+5:302024-08-06T16:48:43+5:30
Vinesh Phogat Wrestling, India at Paris Olympics 2024: सलग दोन सामन्यात विजय मिळवत विनेश फोगाटने गाठली उपांत्य फेरी
अफलातून! विनेश फोगाटची सेमीफायनलमध्ये धडक, भारताच्या पदकाच्या आशा वाढल्या!!
Vinesh Phogat Wrestling, India at Paris Olympics 2024: भारताच्या विनेश फोगाटने क्वार्टरफायनलच्या सामन्यात युक्रेनची प्रतिस्पर्धी ओक्साना लिवाच हिचा पराभव केला आणि सेमीफायनलमध्ये धडक मारली. ५० किलो वजनी गटात भारताच्या विनेश फोगाटने ७-५ असा विजय मिळवला. विनेशने सामन्याच्या सुरुवातीला ४-० अशी भक्कम आघाडी घेतली होती. पण नंतर युक्रेनच्या ओक्सानाने सामन्यात कमबॅक केले. तिने हळूहळू कूच करत सामन्यात रंगत आणली. त्यामुळे एका वेळी सामन्यात ५-३ असा स्कोअर दिसत होता. पण विनेशने आपल्या अनुभवाच्या जोरावर युक्रेनच्या ओक्सानाला पराभूत केले. विनेशचा सेमीफायनलचा सामना आज रात्री क्युबाच्या युस्लेनस गुझमन हिच्याशी होणार आहे.
Vinesh Phogat in control💪
— JioCinema (@JioCinema) August 6, 2024
The 🇮🇳 WRESTLER is closing on a semi-final spot in #Paris2024!#Cheer4Bharat & watch the Olympics LIVE on #Sports18 & stream FREE on #JioCinema📲#OlympicsonJioCinema#OlympicsonSports18#JioCinemaSports#Wrestling#Olympicspic.twitter.com/mNajPsKh2V
तत्पूर्वी, आजच झालेल्या सलामीच्या फेरीतील सामन्यात विनेश फोगाटने ऐतिहासिक कामगिरी केली. तिने जपानची दिग्गज खेळाडू सुसाकी विरूद्ध विजय मिळवला. जपानच्या या पैलवानाला पराभूत करणारी ती पहिली खेळाडू ठरली आहे. विनेशने सुरुवातीच्या फेरीत ऑलिम्पिक चॅम्पियन आणि ४ वेळा जागतिक चॅम्पियन राहिलेली युई सुसाकीला ३-२ अशा फरकाने पराभूत केले. विनेशला विजयी घोषित करताच जपानच्या खेळाडूने पंचांची मदत घेत २ गुण नसल्याचा दावा केला होता, पण निकाल विनेशच्या बाजूने लागला अन् विजयावर शिक्कामोर्तब झाले.