कोहलीची शतकी खेळी, गुजरातपुढे विजयासाठी १८१ धावांचे चॅलेंज

राजकोट, दि. २४ - कर्णधार कोहलीच्या धडाकेबाज शतकी खेळीच्या जोरावर रॉयल चॅलेंजर्स बंगळुरुने निर्धारित २० षटकात ३ गड्याच्या मोबदल्यात १८० धावांचा डोंगर उभा केला. कोहलीच्या आक्रमक खेळीमुळे  गुजरात लायन्समसोर विजयासाथी १८१ धावांचे चॅलेंजीग लक्ष ठेवण्यात रॉयल चॅलेंजर्स बंगळुरुला यश आले. कोहलीने मागील सामन्यातील खेळीप्रमाणे या सामन्यातही धमाकेदार खेळीच प्रदर्शन केले. कर्णधाराला साजेशी खेळी करताना कोहलीने ६३ चेंडूत ११ चौकार आणि एका षटकारांच्या मदतीने १०० धावांची खेळी केली. आज के राहूल ऐवजी शेन वॅटसनला सलामीला खेळवण्यात आले पण त्याचा फारसा फरक पडला नाही. वॅटसन संघाच्या ८ धावा असताना ६ धावावर बाद झाला. त्यानंतर आलेल्या डिव्हिलरलाही साजेशी खेळी करताना आली नाही, डिव्हिलर २० धावार बाद झाला. ७.४ षटकात ५६ धावा झाल्यानंतर के. राहूल आणि कर्णधार कोहली यांनी विकेट न गमावता संघाची धावसंख्या हलती ठेवली. के. राहूलने मधल्या फळीत धमाकेदार फलंदाजी करताना ३ षटकार आणि ४ चौकाराच्या मदतीने चेंडूत धावांची उपयोगी खेळी केली. गुजरातकडून कुलकर्णी आणि तांबे यशस्वी गोलंदाज ठरले. त्यांनी प्रत्येकी एका फलंदाजाला बाद केले.