झिम्बाब्वे संघाचे पारडे जड

झिम्बाब्वे द. आफ्रिकेकडून ६२ धावांनी पराभूत झाला खरा; पण त्यांनी अनेकांचे लक्ष वेधून घेणारी कामगिरी केली होती. ब गटाच्या या लढतीत झिम्बाब्वे संघात विश्वासाचा संचार झालेला दिसतो.

संयुक्त अरब अमिरातविरुद्ध आज लढत : पहिल्या विजयासाठी उत्सुक
नेल्सन : द. आफ्रिकेविरुद्ध पहिल्या लढतीत दमदार कामगिरी करणाऱ्या झिम्बाब्वेला उद्या गुरुवारी विश्वचषकात कमकुवत मानल्या जाणाऱ्या संयुक्त अरब अमिरातविरुद्ध (यूएई) विजय अपेक्षित असेल.
झिम्बाब्वे द. आफ्रिकेकडून ६२ धावांनी पराभूत झाला खरा; पण त्यांनी अनेकांचे लक्ष वेधून घेणारी कामगिरी केली होती. ब गटाच्या या लढतीत झिम्बाब्वे संघात विश्वासाचा संचार झालेला दिसतो. यामुळे यूएईचे आव्हान मोडीत काढण्यास वेळ लागणार नाही. या गटातून द. आफ्रिका, भारत आणि पाक यांचा उपांत्यपूर्व फेरीत प्रवेश निश्चित मानला जात आहे.
चौथ्या संघासाठी आयर्लंड, विंडीज आणि झिम्बाब्वे यांच्यात चुरस असेल. आयर्लंडने विंडीजला धूळ चारल्यामुळे झिम्बाब्वेवरील
दडपण वाढले. झिम्बाब्वेने विश्वचषकाच्या सराव सामन्यात लंकेला पाणी पाजले. द. आफ्रिकेचेही ८३ धावांत चार गडी बाद केले होते. डेव्हिड मिलर- डुमिनी यांनी नंतर २५६ धावांची नाबाद भागीदारी करीत ४ बाद ३३९ धावा उभारल्या.
झिम्बाब्वे ४९ षटकांत २७७ पर्यंत मजल गाठू शकला.
या सामन्यात हॅमिल्टन मस्कद्जाने ८० आणि चामू चिभाभाने ६४ धावा ठोकल्या. अखेरचे पाच गडी ४१ धावांत बाद झाल्यामुळे घात झाला. १९८३ पासून नऊ वेळा विश्वचषकात सहभागी झालेल्या झिम्बाब्वेचा अनुभव अमिरातपेक्षा मोठा आहे. अमिरात संघ १९ वर्षांनंतर विश्वचषकात पुन्हा सहभागी
होत आहे. १९९६ साली त्यांनी नेदरलँडवर एकमेव विजयाची
नोंद केली होती. सराव सामन्यात यूएईचा अफगाणिस्तानने १४ धावांनी पराभव केला.
मोहम्मद तौकीरच्या नेतृत्वात खेळणाऱ्या अमिरात संघातील अनेक खेळाडू भारतीय किंवा पाकिस्तानी वंशाचे आहेत. सर्व खेळाडूंचा
अनुभव लक्षात घेतला तरी केवळ
७१ सामन्यांचा अनुभव असलेल्या
या संघाला शिकण्यासारखे बरेच
काही असेल.(वृत्तसंस्था)

४झिम्बाब्वे व युएई या संघामध्ये आत्तापर्यंत एकदिवसीय आंतरराष्ट्रीय स्पर्धेत एकही लढत झालेली नाही. त्यामुळे दोन्ही संघ एकमेकांविरुद्ध आपला पहिला विजय नोंदविण्यास उत्सुक असतील. पण यांच्यामध्ये टी-२०चा एक सामना झाला होता. ज्यामध्ये झिम्बाब्वेने ५ विकेटने विजय नोंदविला होता.

झिम्बाब्वे : एल्टॉन चिगुम्बुरा (कर्णधार), रेगिस चकाब्वा (यष्टिरक्षक), तेंडाई चतारा, चामू चिभाभा, क्रेग एर्विन, तफाड्जवा कामुंगोजी, हॅमिल्टन मसाकाड्झा, स्टुअर्ट मात्सीकेंयेरी, सोलोमोन मिरे, तवांडा मुपारिवा, तिनाशे पन्यांगरा, सिकंदर रझा, बेंडन टेलर (यष्टिरक्षक), प्रोस्पर उत्सेया व सिन विलियम्स.

युनायटेड अरब अमिराती : मोहंमद तौकीर (कर्णधार), खुरम खान (उपकर्णधार), अमजद अली, अमजद जावेद, अ‍ॅड्री बेरेंगर, फहाद अल्हाशमी, मंजुला गुरुगे, कमरान शाझाद, कृष्ण चंद्रन, मोहंमद नावीद, नासीर अझीज, स्वप्निल पाटील (यष्टिरक्षक), रोहन मुस्ताफा, शॅकलेन हैदर व शैमान अनवर.