शेतातून परतणाऱ्या शेतकऱ्याचा दुचाकी अपघातात मृत्यू

बाभळगाव - पिंपळगाव रस्त्यावर झाला अपघात

पाथरी: शेतातून घराकडे परणाऱ्या शेतकऱ्याचा दुचाकी अपघात मृत्यू झाल्याची घटना आज सकाळी साडेनऊ वाजता बाभळगाव - पिंपळगाव रस्त्यावर घडली. वसंत रामभाऊ गिराम ( 40) असे मृत शेतकऱ्याचे नाव आहे. 

पाथरी तालुक्यातील बाभळगाव येथील वसंत रामभाऊ गिराम हे आज सकाळी गावाजवळील शेतात गेले होते. काम झाल्यानंतर सकाळी साडेनऊ वाजता दुचाकीने ते परत घराकडे निघाले. दरम्यान,बाभळगाव - पिंपळगाव रस्त्यावर समोरून येणाऱ्या दुचाकीसोबत त्यांच्या दुचकीची धडक झाली. यात गंभीर जखमी होऊन शेतकरी गिराम यांचा जागीच मृत्यू झाला. तर दुचाकीवरील इतर एकजण किरकोळ जखमी झाला आहे.