भरधाव जीपची विरुद्ध दिशेने येणाऱ्या दुचाकीसोबत धडक; एकाचा जागीच मृत्यू
By लोकमत न्यूज नेटवर्क | Published: June 6, 2023 04:57 PM2023-06-06T16:57:51+5:302023-06-06T16:58:07+5:30
रेणापुर शिवारात राज्य रस्ता 61 वर झाला अपघात
भरधाव जीपची विरुद्ध दिशेने येणाऱ्या दुचाकीसोबत धडक; एकाचा जागीच मृत्यू
Next पाथरी (परभणी) : पाथरी पोखरणी रस्त्यावर रेणापूर शिवारात दुचाकी व जीपचा सोमवारी रात्री ११. १५ वाजेच्या सुमारास अपघात झाला. यात दुचाकीस्वार शिवाजी कराळे यांचा जागीच मृत्यू झाला.
मिळालेल्या माहितीनुसार, सोमवारी रात्री सव्वाअकरा वाजण्याच्या सुमारास ट्रक्स ( गाडी क्रं . एमएच 16 बीएच 2722 ) पाथरीच्या दिशेने येत होते. दरम्यान, रेणापुर शिवारात राज्य रस्ता 61 वर विरुद्ध दिशेने येणाऱ्या दुचाकीची समोरा समोर धडक झाली. यात दुचाकीस्वार शिवाजी कराळे ( ४३, रा. पांढरगळा पोस्ट जोगवाडा ता. जिंतूर ) यांचा जागीच मृत्यू झाला.
घटनेची माहिती कळताच पाथरी पोलीस ठाण्यातील पोह. गजानन पिंपळ्पल्ले, पोना. सुरेश कदम घटनास्थळी दाखल झाले. याप्रकरणी पाथरी पोलीस ठाण्यात अद्याप गुन्ह्याची नोंद झाली नव्हती.