वीजपुरवठा खंडित केल्यावरून मारहाण; दोघांवर गुन्हा दाखल

सेलू तालुक्यातील प्रिंप्रुळा शिवारात अंकुश किशनराव आठवे यांना १९ डिसेंबर रोजी दुपारी १२ वाजता शेतात वीजपुरवठा करणाऱ्या वीज खांबावरील झेंप्रिंग तोडून वीजपुरवठा खंडित केल्याच्या कारणावरून शेषराव नाईकनवरे व तुकाराम नाईकनवरे यांनी मारहाण करून जखमी केले व जिवे मारण्याची धमकी दिली आहे. याप्रकरणी अंकुश किशनराव आठवे यांच्या फिर्यादीवरून २१ डिसेंबर रोजी आरोपी शेषराव नाईकनवरे व तुकाराम नाईकनवरे या दोघांविरूद्ध विविध कलमांसह अनुसूचित जाती जमाती प्रतिबंधक कायद्यांतर्गत गुन्हा दाखल केला आहे. प्रकरणाचा अधिक तपास सहाय्यक पोलीस अधीक्षक श्रवणदत्त हे करीत आहेत. दरम्यान या प्रकरणातील दोन्ही आरोपींना अटक करण्यात आली आहे. या आरोपींना मंगळवारी न्यायालयात हजर करणार असल्याची माहिती स.पो.नी. विजय रामोड यांनी दिली.