मुस्लीम ओबीसी आरक्षणासाठी सेलूत रास्ता रोको

सेलू शहरातील जिंतूर काॅर्नर येथे रविवारी सकाळी ११.३० वाजता हे आंदोलन करण्यात आले. यावेळी भीमप्रहारचे प्रा.डाॅ. प्रवीण कनकुटे, ॲड. विष्णू ढोले, जिल्हाध्यक्ष विश्वजीत वाघमारे, युथ फोरमचे करीम खान, साजीद शेख, समता परिषदेचे पवन कटारे यांनी आंदोलकांना मार्गदर्शन केले.

मुस्लीम समाजाला न्यायालयाने दिलेले आरक्षण पुढील १५ दिवसांत तत्काळ द्यावे, अन्यथा आंदोलन अधिक तीव्र करण्याचा इशारा यावेळी देण्यात आला. नायब तहसीलदार प्रशांत थारकर यांना निवेदन देण्यात आले. यावेळी राहुल जाधव, अर्जुन बाविसे, बापू धापसे, साजीद शेख, करीम खान, शेख मुखीद, कलीम बेलदार, डिगांबर कटारे, अक्षय खांडे, अनिकेत रायबोले, बाबासाहेब कटारे, सुखानंद कटारे, मोहन बेलदार, शेख अन्वर, शेख इब्राहिम, मिर्झा बेग, विकास मुजमुले, अजय उघडे, दिलीप कांबळे, रोहित चेडेलिया, राजीक कुरेशी, योगेश चंडोलिया, राजू सोळंके आदींसह बहुसंख्य पदाधिकारी उपस्थित होते.