राष्ट्रीय मतदान दिन साजरा

परभणी : येथील जिल्हाधिकारी कार्यालयातील जिल्हा नियोजन सभागृहात २५ जानेवारी रोजी राष्ट्रीय मतदान दिन साजरा करण्यात आला.

यानिमित्त सकाळी ११ वाजता आयोजित केलेल्या कार्यक्रमात पालकमंत्री नवाब मलिक यांच्या हस्ते २५ नवमतदारांना ओळखपत्र देऊन त्यांचा सत्कार करण्यात आला. यावेळी जिल्हा परिषदेच्या अध्यक्षा निर्मलाताई विटेकर, खासदार फौजिया खान, खासदार बंडू जाधव, आमदार बाबाजानी दुर्राणी, आमदार डॉ. राहुल पाटील, आमदार सुरेश वरपूडकर, आमदार मेघना बोर्डीकर, आमदार रत्नाकर गुट्टे, जिल्हाधिकारी दीपक मुगळीकर, जिल्हा परिषदेचे मुख्य कार्यकारी अधिकारी शिवानंद टाकसाळे, मनपा आयुक्त देविदास पवार, निवासी उपजिल्हाधिकारी महेश वडदकर, उपजिल्हाधिकारी निवृत्ती गायकवाड, बीएलओ विठ्ठल शेळके, सीमा देशमुख, शाकेर खान, मो. जावीद मो. इकबाल आदी उपस्थित होते. दिनांक १ फेब्रुवारीपासून नवीन मतदारांना ऑनलाईन मतदान कार्ड प्राप्त करण्याची सुविधा उपलब्ध करुन दिल्याचे यावेळी सांगण्यात आले. हा कार्यक्रम यशस्वी करण्यासाठी निवडणूक विभागातील वरिष्ठ लिपिक नानासाहेब भेंडेकर, प्रवीण कोकांडे, गोकुळ पवार, वैजनाथ भेंडेकर, राजेश कीर्तनकार, दिवाकर जगताप, बबन भराडे आदींनी प्रयत्न केले.