Coronavirus : परभणीत दोन कोरोनाबाधितांच्या मृत्यूने खळबळ
By लोकमत न्यूज नेटवर्क | Published: July 18, 2020 08:45 AM2020-07-18T08:45:47+5:302020-07-18T08:46:17+5:30
जिल्ह्यात आत्तापर्यंत कोरोनामुळे १२ जणांचा मृत्यू झाला आहे.
Coronavirus : परभणीत दोन कोरोनाबाधितांच्या मृत्यूने खळबळ
परभणी : येथील जिल्हा सामान्य रुग्णालयात उपचार घेणाऱ्या परभणी शहरातील कोरोनाबधित ५० वर्षीय व्यक्तीचा व गंगाखेड येथील एका ५३ वर्षीय व्यक्तीचा गुरुवारी रात्री उपचारादरम्यान मृत्यू झाला. जिल्ह्यात आत्तापर्यंत कोरोनामुळे १२ जणांचा मृत्यू झाला आहे.
गंगाखेड येथील ५३ वर्षीय व्यक्तीला कोरोनाची बाधा झाल्याने १४ जुलै रोजी तेथील उपजिल्हा रुग्णालयात उपचारासाठी दाखल करण्यात आले होते. तेथून १६ जुलै रोजी परभणी येथील जिल्हा सामान्य रुग्णालयात दाखल करण्यात आले. परभणीत उपचार सुरू असताना या व्यक्तीचा शुक्रवारी रात्री ९.३० वाजता मृत्यू झाला. तर परभणी शहरातील मुमताज नगर भागातील ५३ वर्षीय व्यक्तीला कोरोनाची बाधा झाल्याने १३ जुलै रोजी दुपारी १२.३० वाजता जिल्हा सामान्य रुग्णालयात उपचारासाठी दाखल करण्यात आले होते. उपचार सुरू असताना त्याचा शुक्रवारी मध्यरात्री १२.३० वाजता मृत्यू झाला.
जिल्ह्यात आत्तापर्यंत कोरोनामुळे १२ जणांचा मृत्यू झाला आहे. त्यामध्ये परभणी, जिंतूर, सेलू तालुक्यात प्रत्येकी ३, गंगाखेड तालुक्यात २ तर पाथरी तालुक्यातील एकाचा समावेश आहे.
