coronavirus : राष्ट्रवादीचे आमदार बाबाजानी दुराणी यांना कोरोनाची लागण
By लोकमत न्यूज नेटवर्क | Published: July 18, 2020 03:24 PM2020-07-18T15:24:35+5:302020-07-18T15:40:02+5:30
औरंगाबाद येथील एका खाजगी रुग्णालयात उपचार सुरु.
coronavirus : राष्ट्रवादीचे आमदार बाबाजानी दुराणी यांना कोरोनाची लागण
Next परभणी: राष्ट्रवादी काँग्रेसचे जिल्हाध्यक्ष आ.बाबाजानी दुराणी यांना कोरोनाची बाधा झाली असून त्यांना उपचारासाठी औरंगाबाद येथील एका खाजगी रुग्णालयात दाखल करण्यात आले आहे.
परभणीचे राष्ट्रवादी काँग्रेसचे जिल्हाध्यक्ष आ. बाबाजानी दुराणी यांची शुक्रवारी अ‍ॅन्टीजेन टेस्ट करण्यात आली. त्यामध्ये त्यांचा अहवाल पॉझिटिव्ह आला आहे. त्यामुळे त्यांना उपचारासाठी औरंगाबाद येथील खाजगी रुग्णालयात दाखल करण्यात आले आहे. याबाबत आ. दुराणी यांनी स्वतः त्याच्या फेसबुकवर माहिती दिली असून प्रकृती स्थिर आहे. काळजी करू नये, असे त्यांनी सांगितले आहे. १३ जुलैपासून आ. दुराणी हे सेल्फ क्वांरंटाईन होते, अशी माहिती सूत्रांनी दिली.
प्रिय सहकाऱ्यांनो, सर्दी, ताप असल्या कारणाने मी कोविड-१९ची टेस्ट केली असता कोरोना पॉझिटिव्ह झाल्याचे कळले. औरंगाबाद...
Posted by Babajani Durrani on Saturday, 18 July 2020
या संदर्भात जिल्हाधिकारी दीपक मुगळीकर यांच्याशी संपर्क साधला असता त्यांनी या वृत्तास दुजोरा दिला. तसेच आ. दुराणी यांच्या संपर्कात किती जण आले आहेत, याची माहिती प्रशासनाकडून घेतली जात असल्याचे त्यांनी सांगितले.