coronavirus परभणीत कडक निर्बंध; जिल्ह्यात १० मेपर्यंत किराणा दुकाने, बाजार राहणार बंद
By लोकमत न्यूज नेटवर्क | Published: May 4, 2021 05:49 PM2021-05-04T17:49:35+5:302021-05-04T17:50:16+5:30
नागरिकांच्या सुविधेसाठी १ ते ४ मे दरम्यान किराणा दुकाने आणि भाजीपाला बाजार सकाळी ७ ते ११ या वेळेत सुरू ठेवण्याची मुभा दिली होती.
coronavirus परभणीत कडक निर्बंध; जिल्ह्यात १० मेपर्यंत किराणा दुकाने, बाजार राहणार बंद
परभणी : जिल्ह्यातील किराणा दुकाने, भाजीपाला बाजार व इतर खाद्यपदार्थांची दुकाने १० मेपर्यंत बंद ठेवण्याचे आदेश जिल्हाधिकारी दीपक मुगळीकर यांनी दिले आहेत.
कोरोनाचा फैलाव रोखण्यासाठी जिल्ह्यात १५ मेपर्यंत संचारबंदी लागू करण्यात आली आहे. या संचारबंदी काळात नागरिकांच्या सुविधेसाठी १ ते ४ मे दरम्यान किराणा दुकाने आणि भाजीपाला बाजार सकाळी ७ ते ११ या वेळेत सुरू ठेवण्याची मुभा दिली होती. या संदर्भाने मंगळवारी जिल्हाधिकारी दीपक मुगळीकर यांनी आदेश काढले आहेत. जिल्ह्यातील किराणा साहित्याची दुकाने, भाजीपाला, फळविक्रेते, बेकरी, मिठाई आणि सर्व प्रकारची दुकाने ४ ते १० मेपर्यंत बंद ठेवण्याचे आदेश देण्यात आले आहेत. वैद्यकीय सेवा व साहाय्यभूत सेवांना या आदेशावरून वगळण्यात आले आहे.
