परभणीच्या शनिवार बाजार परिसरात इमारतीला आग

शहरातील शनिवार बाजार भागातील एका इमारतीला आग लागल्याची घटना दुपारी १२ वाजेच्या सुमारास घडली. अग्निशमन दलाच्या मादितीने जवळपास अडीज तासानंतर आग आटोक्यात आली.

परभणी : शहरातील शनिवार बाजार भागातील एका इमारतीला आग लागल्याची घटना दुपारी १२ वाजेच्या सुमारास घडली. अग्निशमन दलाच्या मादितीने जवळपास अडीज तासानंतर आग आटोक्यात आली.

शनिवार बाजार परिसरातील नानलपेठ कॉर्नर परिसरात एका इमारतीमध्ये दुपारी अचानक आग लागली़ ही आग वाढतच गेली़  इमारतीच्या दुसर्‍या मजल्यापर्यंत ही धुराचे लोट पसरत होते़ आग लागल्याची माहिती अग्नीशमन दलाला देण्यात आली़ घटनास्थळी अग्नशमन दलाचे तीन बंब दाखल झाले. इमारतीच्या बाहेरील भागात असलेल्या एका दुकानामध्येही धुराचे लोट पसरले होते़ त्यामुळे परिसर काळाकुट्ट दिसत होता़ अशातही अग्नीशमन दलाच्या कर्मचार्‍यांनी इमारतीच्या दुसर्‍या  मजल्यावर धाव घेत आग विझविण्याचा प्रयत्न केला़ दुपारी २़३० वाजेपर्यंत कर्मचारी व पोलीस प्रशासनाच्या वतीने आग विझविण्यात आले. आगीचे नेमके कारण व यात झालेले नुकसान अद्याप समजू शकले नाही.