परभणीत चाकूहल्ला प्रकरणातील आरोपी जेरबंद
By लोकमत न्यूज नेटवर्क | Published: April 6, 2019 11:04 PM2019-04-06T23:04:37+5:302019-04-06T23:05:10+5:30
शहरातील लोकमान्यनगर भागातील चाकूहल्ला प्रकरणात फरार असलेल्या मुख्य आरोपीस ६ एप्रिल रोजी अटक करण्यात आली आहे.
परभणीत चाकूहल्ला प्रकरणातील आरोपी जेरबंद
Next
लोकमत न्यूज नेटवर्क
परभणी : शहरातील लोकमान्यनगर भागातील चाकूहल्ला प्रकरणात फरार असलेल्या मुख्य आरोपीस ६ एप्रिल रोजी अटक करण्यात आली आहे.
लोकमान्यनगर येथे दोन किरायदारांमध्ये सामाईक मीटरच्या बिलावरुन वाद झाला होता. या वादातूनच ४ एप्रिल रोजी रात्री सुधाकर सोळंके यांना मारहाण झाली होती. चाकूचे वार केल्याने सुधाकर सोळंके गंभीर जखमी झाले होते. या प्रकरणी सोळंके यांच्या तक्रारीवरुन सागर चव्हाण व साई चव्हाण या दोघांविरुद्ध नवा मोंढा पोलीस ठाण्यात गुन्हा नोंद झाला. या प्रकरणातील साई चव्हाण यास पोलिसांनी ५ एप्रिल रोजी अटक केली होती. शनिवारी मुख्य आरोपी सागर चव्हाण यासही अटक करण्यात आली आहे, अशी माहिती पोलिसांनी दिली.
