परभणी : पोलीस दलातील निरीक्षकांच्या बदल्या

जिल्हा पोलीस दलातील दोन पोलीस निरीक्षक आणि ७ सहाय्यक पोलीस निरीक्षकांच्या बदल्यांचे आदेश पोलीस अधीक्षकांनी काढले आहेत. जिल्हा पोलीस दलातील सुमारे १०० पोलीस कर्मचाऱ्यांच्या बदल्यानंतर आता पोलीस निरीक्षक आणि सहाय्यक पोलीस निरीक्षकांच्या बदल्याही झाल्या आहेत.

लोकमत न्यूज नेटवर्क
परभणी : जिल्हा पोलीस दलातील दोन पोलीस निरीक्षक आणि ७ सहाय्यक पोलीस निरीक्षकांच्या बदल्यांचे आदेश पोलीस अधीक्षकांनी काढले आहेत.
जिल्हा पोलीस दलातील सुमारे १०० पोलीस कर्मचाऱ्यांच्या बदल्यानंतर आता पोलीस निरीक्षक आणि सहाय्यक पोलीस निरीक्षकांच्या बदल्याही झाल्या आहेत. त्यात चुडावा पोलीस ठाण्याच्या पोलीस निरीक्षक मीना कर्डक यांची बदली मानवत पोलीस ठाण्यात झाली आहे. जिंतूर पोलीस ठाण्याचे पोलीस निरीक्षक प्रवीण मोरे यांची बदली स्थानिक गुन्हा अन्वेषण शाखेचे पोलीस निरीक्षक म्हणून करण्यात आली आहे. त्याचप्रमाणे बोरी येथील सहाय्यक पोलीस निरीक्षक गजेंद्र सरोदे यांची बदली शहर वाहतूक शाखेत, पूर्णा येथील सहायक पोलीस निरीक्षक विशाल बहात्तरे यांची बदली चुडावा येथे, पोलीस अधीक्षक कार्यालयातील गजानन पाटेकर यांची बदली ताडकळस येथे, जिंतूर येथील व्यंकटेश आलेवार यांची बोरी येथे, दैठणा येथील अमोल पवार यांची बदली सोनपेठ येथे, ताडकळस पोलीस ठाण्यातील महेश लांडगे यांची पोलीस अधीक्षक कार्यालयात तर कोतवाली ठाण्यातील सहायक पोलीस निरीक्षक सुनील गिरी यांची बदली जिंतूर पोलीस ठाण्यात करण्यात आली आहे. बदली झालेल्या अधिकाºयांना तात्काळ कार्यमुक्त करण्याचे आदेशही प्रभारी अधिकाºयांना दिले आहेत.