गरजुंच्या मदतीला धावली शांतीदूत संस्था

शांतीदूत सेवाभावी संस्थेच्या वतीने जनता मार्केट भागात आयोजित केलेल्या या कार्यक्रमाच्या अध्यक्षस्थानी संस्थेचे अध्यक्ष सुभाषचंद्र सारडा यांची तर प्रमुख पाहुणे म्हणून आ. डॉ. राहुल पाटील, प्राचार्य सुरेश नाईकवाडे, डॉ. रितेश अग्रवाल, राधा अग्रवाल, केदारनाथ सारडा, डॉ. सालेहा कौसर, वर्षाताई सारडा, सरोज गट्टाणी यांची उपस्थिती होती.

यावेळी बोलताना आ. डॉ. पाटील म्हणाले की, शांतीदूत सेवाभावी संस्थेने सामाजिक बांधिलकी जपत आतापर्यंत गरजूंना मदत करण्यासाठी अनेक उपक्रम राबविले आहेत. वाढत्या थंडीत गरजूंना ३०० ब्लँकेट वाटपाचा संस्थेने हाती घेतलेला उपक्रम कौतुकास्पद आहे. यावेळी सुभाषचंद्र सारडा यांनी संस्थेने वर्षभर राबविलेल्या उपक्रमांची माहिती दिली. यशस्वीतेसाठी माधव सारडा, गौरव बाहेती, शेजल सारडा, राधिका बाहेती आदींनी परिश्रम घेतले.