चारचाकीने दुचाकीस धडक देत सोनारास २ लाखाला लुटले

एका चोरट्यास पकडण्यात यश

ठळक मुद्देपूर्णा ह्यातनगर रस्त्यावरील घटना

पूर्णा : ह्यातनगर येथून सुहागणकडे दुकान बंद करून येत असताना मारोती कार ने धडक मागून धडक देऊन व डोळ्यात मिरचीपूड टाकून सोनाराला लुटण्याची घटना दि. 8 सप्टेंबर रोजी सांय 6 वाजण्याच्या सुमारास घडली. या घटनेत चोरट्याने दोन लाखाचा ऐवज लंपास केला पोलीस व नागरिकांच्या  सतर्कतेमुळे काही वेळातच ह्यातनगर येथे गाडीसह एका चोरट्यास पकडण्यात यश आले आहे.

पोलिसांनी दिलेल्या माहितीनुसार, सुहागण (ता पूर्णा) येथील गोविंद विश्वनाथ भोसले व भाऊ हनुमान भोसले हे दोघे रविवारी सांय दररोज प्रमाणे आपले दुकान बंद करून दुचाकीवरून आपल्या गावाकडे निघाले. यावेळी एका चारचाकीने ( क्र MH21-C-2591 ) त्यांचा पाठलाग सुरू केला. काही अंतरावर जाताच चारचाकीने दुचाकीस पाठीमागून धडक दिली. यामुळे दोघेही खाली पडले. यानंतर चाराचाकीतील एकाने गोविंद यांच्या डोळ्यात मिरची पूड टाकली व त्यांच्याकडील २ लाख 21 रु. किंमतीचा ऐवज लंपास केला. घटनेच्या काही वेळातच नागरिक व पोलिसांच्या सतर्कतेमुळे गुन्ह्यात वापरलेली गाडी व एका चोरट्याला पकडण्यात यश आले असल्याची माहिती पोनि सुभाष राठोड यांनी दिली.