ग्रामीण बस फेऱ्या बंदच

विरुद्ध बाजूने वाहतूक

परभणी : शहरात बाजारपेठ भागातील रस्त्यांवर सर्रास विरुद्ध बाजूने वाहतूक केली जात आहे. याविरुद्ध पोलीस प्रशासन कारवाई करीत नसल्याने हा प्रकार बळावला आहे.

रस्त्याची दुरवस्था

परभणी : पारदेश्वर मंदिर ते जुना पावर हाऊस या रस्त्याची दुरवस्था झाली आहे. सिमेंट काँक्रिट रस्त्यावर मधोमध भेग पडली असून, अपघाताची शक्यता निर्माण झाली आहे.

जलवाहिनीसाठी खोदकाम

परभणी : शिवाजीनगर भागात जलवाहिनी टाकण्यासाठी खोदकाम केले आहे. त्यामुळे पाणी पुरवठा योजनेचे काम अजूनही शहरात पूर्ण झाले नसल्याचे स्पष्ट होत आहे.

उड्डाण पुलाचे काम संथगतीने

परभणी : रेल्वे स्थानकाला लागूनच असलेल्या विद्यापीठ गेटजवळ उड्डाणपूल उभारण्याचे काम सुरू आहे. हे काम संथगतीने होत असून हा मार्ग वाहतुकीसाठी बंद केल्याने वाहनधारकांची गैरसोय होत आहे.