कार घेण्याचा विचार करताय! ६.५० लाख रुपयांपेक्षा कमी किंमत, देशातील सर्वात स्वस्त फॅमिली कार

1 / 8

मारुती सुझुकी डिझायर ते ह्युंदाई ऑरा आणि टाटा टिगोर या देशात सर्वाधिक विकल्या जाणाऱ्या सबकॉम्पॅक्ट सेडान कार आहेत. या तिन्ही कार पेट्रोल इंजिनसह CNG प्रकारात येतात.

2 / 8

कार खरेदीक करण्याच स्वप्न सर्वांचं असतं. कारसाठी खरेदीसाठी अनेकजण आपल्या आयुष्याची कमाई लावतात, कार आपण फॅमिलीतील सर्वांसाठी घेण्याचा प्लॅन करतो. अनेकजण सेडान कारचा विचार करतात. सध्या कारमध्ये अनेक प्रकार आले आहेत. स्पोर्ट युटिलिटी व्हेइकल्स (SUV) ची मागणी सर्वाधिक असली तरी सेडान कारची क्रेझ तशीच आहे. सेडानकडेही एक आदर्श फॅमिली कार म्हणून पाहिले जाते. जर तुम्हीही परवडणारी सेडान शोधत असाल, तर आज आम्ही तुमच्यासाठी अशीच एक यादी आणली आहे, जिथे तुम्ही ६.५० लाख रुपयांपेक्षा कमी किंमतीत सर्वोत्तम सेडान निवडू शकता.

3 / 8

Tata Tigor- देशातील सर्वात सुरक्षित सेडान कारपैकी एक, या सेडान कारला ग्लोबल NCAP क्रॅश चाचणीमध्ये ४ स्टार रेटिंग मिळाले आहे. आकर्षक देखावा आणि शक्तिशाली इंजिन क्षमतेने सुशोभित केलेल्या, या सेडान कारची किंमत ६.२० लाख रुपयांपासून सुरू होते आणि टॉप मॉडेलसाठी ८.९० लाख रुपयांपर्यंत जाते. एकूण चार ब्रॉड ट्रिममध्ये येणारी, ही कार १.२-लीटर पेट्रोल इंजिनसह कंपनी-फिट सीएनजी प्रकारात देखील उपलब्ध आहे. याचे इंजिन पेट्रोल मोडमध्ये 86PS पॉवर आणि 113Nm टॉर्क जनरेट करते, तर CNG मोडमध्ये हे इंजिन 73PS पॉवर आणि 95Nm टॉर्क जनरेट करते.

4 / 8

Hyundai Aura- ६.३० लाख ते रु. ८.८७ लाख Hyundai कार दर्जेदार इंटिरियर्स आणि वैशिष्ट्यांसाठी ओळखल्या जातात. Hyundai Aura ही त्याच्या किमतीच्या विभागातील सर्वोत्कृष्ट कारांपैकी एक आहे, एकूण चार ट्रिममध्ये येत आहे, या कारची किंमत ६.३० लाख ते ८.८७ लाख रुपये आहे.

5 / 8

कंपनीने या कारमध्ये 1.2-लिटर पेट्रोल इंजिन इंजिन वापरले आहे, जे 83PS पॉवर आणि 114Nm टॉर्क जनरेट करते. हे इंजिन 5-स्पीड मॅन्युअल किंवा 5-स्पीड ऑटोमॅटिक ट्रान्समिशनशी जोडले आहे. ही कार CNG प्रकारात देखील उपलब्ध आहे, CNG मोडमध्ये हे इंजिन 69PS पॉवर आणि 95.2Nm उत्पादन करते, जे केवळ पाच-स्पीड मॅन्युअल ट्रान्समिशनसह जोडलेले आहे.

6 / 8

Maruti Dzire: ६.४४ लाख ते रु. ९.३१ लाख रुपये देशातील सर्वाधिक विकली जाणारी सब-कॉम्पॅक्ट सेडान मारुती सुझुकी डिझायर देखील तुमच्यासाठी एक चांगला पर्याय असू शकते. एकूण चार ट्रिममध्ये येणारी ही कार पेट्रोल इंजिनसह CNG प्रकारातही येते. त्याची किंमत ६.४४ लाख ते ९.३१ लाख रुपये आहे. ही कार एकूण ६ रंगांमध्ये उपलब्ध आहे.

7 / 8

या कारमध्ये कंपनीने १.२ लीटर क्षमतेचे Dualjet पेट्रोल इंजिन वापरले आहे, जे 90PS चा पॉवर आणि 113Nm टॉर्क जनरेट करते. तर CNG मोडमध्ये हे इंजिन 77PS पॉवर आणि 98.5Nm टॉर्क निर्माण करते. हे इंजिन 5-स्पीड मॅन्युअल आणि ऑटोमॅटिक गिअरबॉक्सशी जोडलेले आहे. कंपनीचा दावा आहे की त्याचे पेट्रोल व्हर्जन 22.41 किमी पर्यंत आणि सीएनजी व्हेरिएंट 31.12 किमी प्रति लिटर पर्यंत मायलेज देते.

8 / 8

मारुती सुझुकी डिझायरमध्ये अँड्रॉइड ऑटो आणि ऍपल कारप्लेसह सात इंची टचस्क्रीन इन्फोटेनमेंट सिस्टम, क्रूझ कंट्रोल आणि ऑटोमॅटिक एलईडी हेडलाइट्स, पुश-बटण इंजिन स्टार्ट/स्टॉप आणि मागील व्हेंटसह ऑटो एसी आहेत. सुरक्षिततेच्या दृष्टीने यात ड्युअल फ्रंट एअरबॅग्ज, ISOFIX चाइल्ड सीट अँकर आणि रियर पार्किंग सेन्सर्स, इलेक्ट्रॉनिक स्टॅबिलिटी कंट्रोल आणि हिल-होल्ड असिस्ट यांसारखी वैशिष्ट्ये आहेत.