New Hyundai Tucson 2022: नव्या ह्युंदाई 'टक्सन'वरुन पडदा उठला, जबरदस्त लूक अन् फिचर्सनं लक्ष वेधलं; किंमत किती?

1 / 10

ह्युंदाईच्या नव्या टक्सन कारचा लूक अखेर उघड करण्यात आला आहे. कंपनीनं भारतीय बाजारपेठेत अधिकृतरित्या ह्युंदाई टक्सन कारचा लूक जाहीर केला आहे. येत्या ४ ऑगस्ट रोजी कारचा रितसर लॉन्चिंग सोहळा होणार आहे. त्यानंतरच कारची डिलिव्हरी देखील तात्काळ सुरू करण्यात येणार आहे.

2 / 10

भारतीय बाजारपेठेत ह्युंदाई टक्सनच्या नव्या कारची खूप उत्सुकता होती. अखेर कंपनीनं आज टक्सन कारचा लूक सर्वांसमोर आणला आहे.

3 / 10

न्यू जनरेशन Hyundai Tucson सध्याच्या मॉडेलच्या तुलनेत अनेक अपडेट्ससह लॉन्च केली जाईल आणि कंपनीच्या भारतीय उत्पादन लाइन-अपमधील ही फ्लॅगशिप SUV असेल.

4 / 10

डिझाईनबद्दल बोलायचे झाल्यास टक्सन कार अगदी स्पोर्टी डिझाइन लँग्वेजसह सुसज्ज असेल.

5 / 10

जागतिक स्तरावर, फोर्थ-जनरेशन Hyundai Tucson दोन पेट्रोल, एक हायब्रिड आणि एक ऑइल-बर्नर इंजिनसह ऑफर केली जाते.

6 / 10

ऑल-एलईडी हेडलॅम्पसह नवीन पॅरामेट्रिक ग्रिल कारला देण्यात आलं आहे, तर तळाशी आकर्षक फॉग लॅम्पही आहे.

7 / 10

भारतात मात्र विशिष्ट मॉडेल 2.0-लिटर पेट्रोल इंजिनसह ही कार उपलब्ध करुन दिला जाईल असं म्हटलं जात आहे. 6-स्पीड ऑटोमॅटिक ट्रान्समिशन देखील असणार आहे.

8 / 10

याशिवाय 2.0-लिटर डिझेल इंजिन 8-स्पीड टॉर्क-कन्व्हर्टर AT सह कार उपलब्ध करुन दिली जाऊ शकते असंही सांगण्यात येत आहे. येत्या ४ ऑगस्ट रोजी कारची किंमतही जाहीर केली जाईल.

9 / 10

कंपनीने अलीकडेच आपल्या लोकप्रिय आणि स्वस्त मध्यम आकाराच्या कॉम्पॅक्ट SUV Hyundai Venue चं लेटेस्ट व्हर्जन लॉन्च केलं आहे. लॉन्च होताच या कारला जबरदस्त प्रतिसाद मिळत आहे.

10 / 10

नवीन एसयूव्हीचे डिझाईन आणि त्यातील फीचर्स लोकांच्या पसंतीस उतरत आहेत. खास गोष्ट म्हणजे त्याची सुरुवातीची किंमत 7.53 लाख रुपये आहे, तर त्याच्या टॉप मॉडेलची किंमत 9.99 लाख रुपये आहे.