पेट्रोल-डिझेलचा खर्च वाचणार! देशातील पहिली सौरऊर्जेवर चालणारी कार सादर, सूर्यप्रकाशवर चार्ज होईल का? जाणून घ्या

1 / 8

काही दिवसापूर्वी ऑटो एक्स्पोमध्ये अनेक कंपन्यांनी आपल्या कार प्रदर्शित केल्या. यावेळी सुमारे ३ वर्षांनी ऑटो एक्स्पोचे आयोजन करण्यात आले होते. ऑटो एक्स्पोमध्ये पहिल्यांदाच मोठ्या प्रमाणात इलेक्ट्रिक कार दाखविण्यात आल्या.

2 / 8

सर्व कंपन्यांनी अनेक तंत्रज्ञानांनी आणि फिचरसह वाहने लाँच केली. यादरम्यान पुण्यातील इलेक्ट्रिक वाहन स्टार्टअप वायवे मोबिलिटीने सौरऊर्जेवर चालणाऱ्या इलेक्ट्रिक कारचा प्रोटोटाइप सादर केली. देशातील पहिली सौर ऊर्जेवर चालणारी इलेक्ट्रिक कार आहे.

3 / 8

वाहनांची संख्या वाढती लक्षात घेऊन ही कार लाँच करण्यात आली आहे. शहरात फिरण्यासाठी या कारचा वापर होऊ शकतो. दोन दरवाजे असलेल्या या कारमध्ये दोन प्रौढ आणि एक मूल सहज बसू शकतात. याला समोर फक्त एक सीट मिळते, तर मागील बाजू थोडी रुंद आहे. या कारचा टॉप स्पीड 70 किलोमीटर प्रति तास आहे. म्हणजेच, जर तुम्हाला कमी अंतर कापायचे असेल आणि कमी वेगाने गाडी चालवायची असेल, तर ही कार तुमच्यासाठी फायदेशीर ठरू शकते.

4 / 8

या कारची लांबी 3060mm, रुंदी 1150mm, उंची 1590mm आणि ग्राउंड क्लीयरन्स 170mm देण्यात आली आहे. कारला पुढील बाजूस स्वतंत्र कॉइल स्प्रिंग सस्पेन्शन आणि मागील बाजूस ड्युअल शॉक सस्पेन्शन आहे.

5 / 8

पुढच्या चाकांना डिस्क ब्रेक तर मागच्या चाकांना ड्रम ब्रेक मिळतात. कारची टर्निंग त्रिज्या 3.9 मीटर आहे. या कारमध्ये 14Kwh क्षमतेचा (Li-iOn) बॅटरी पॅक मिळत आहे. तसेच या कारमध्ये लिक्विड कूल्ड इलेक्ट्रिक मोटरचा वापर करण्यात आला आहे. ही मोटर 12kW पॉवर आणि 40Nm टॉर्क निर्माण करते.

6 / 8

ही कार एकदा चार्ज केल्यानंतर 250 किलोमीटरपर्यंत ड्रायव्हिंग रेंज देऊ शकते. या कारच्या छतावर सोलर पॅनल देण्यात आले असून ते सनरूफऐवजी वापरता येऊ शकते. मात्र, ही कार पूर्णपणे सौरऊर्जेवर चालत नाही, उलट तिचे सोलर पॅनल त्यात पर्याय म्हणून काम करते. हे कारला 10 किमी पर्यंत अतिरिक्त ड्रायव्हिंग रेंज देते. या कारची धावण्याची किंमत केवळ 80 पैसे प्रति किलोमीटर आहे. ते फक्त 5 सेकंदात 0-40 किमी प्रतितास वेग पकडते.

7 / 8

ही कार घरातील वीजेवर सुमारे 4 तासांत चार्ज करता येते. त्याची बॅटरी पूर्णपणे चार्ज होण्यासाठी सुमारे 45 मिनिटे लागतील.

8 / 8

कंपनीला ही कार लॉन्च करण्यासाठी 1 वर्ष लागू शकतात. याच्या किंमतीबाबत अद्याप कोणतीही माहिती समोर आलेली नाही, पण, ही कार किफायतशीर किंमतीमध्ये मिळू शकते असा दावा कंपनीने केला आहे.