पी व्ही सिंधूची हाँगकाँग ओपन सुपर सीरिजच्या उपांत्यपूर्व फेरीत धडक

1 / 6

भारताची स्टार शटलर आणि रिओ ऑलिम्पिक रौप्यपदक विजेती पी. व्ही. सिंधू हिने आपली विजयी घोडदौड कायम राखताना हाँगकाँग ओपन सुपर सीरिजच्या उपांत्यपूर्व फेरीत धडक मारली.

2 / 6

सिंधूने आक्रमक खेळ करताना जपानच्या अया ओहोरी हिचे कडवे आव्हान सरळ दोन गेममध्ये परतावले. त्याचवेळी, भारताच्या अनुभवी सायना नेहवालला मात्र स्पर्धेतून आपला गाशा गुंडाळावा लागला.

3 / 6

गुरुवारी जाहीर झालेल्या ताज्या जागतिक क्रमवारीमध्ये सिंधूची एका स्थानाने घसरण झाली आणि ती तिस-या स्थानी आली. मात्र, याचा तिच्या कामगिरीवर काहीच परिणाम झाला नाही.

4 / 6

सुरुवातीपासून आक्रमक खेळ करत मिळवलेली आघाडी अखेरपर्यंत कायम राखताना सिंधूने बाजी मारली.

5 / 6

सिंधूने ३९ मिनिटांमध्ये विजय निश्चित करताना ओहोरीला २१-१४, २१-१७ असे सहजपणे नमवले.

6 / 6

पुढच्या फेरीत सिंधूपुढे जपानच्याच पाचव्या मानांकित अकाने यामागुची हिचे तगडे आव्हान असेल.