Planetary Position In November 2022: ५ ग्रहांचा नोव्हेंबरमध्ये राशीबदल: ‘या’ ५ राशीच्या व्यक्तींना धनलाभ योग; उत्तम फायदेशीर काळ!
By ऑनलाइन लोकमत | Published: October 31, 2022 9:47 AM
1 / 9ऑक्टोबर महिन्याप्रमाणे नोव्हेंबर महिनाही सांस्कृतिक, धार्मिकदृष्ट्या महत्त्वाचा आहे. चंद्रग्रहण, कार्तिकी एकादशीसह अनेकविध महत्त्वाचे सण, व्रत-वैकल्ये या नोव्हेंबर महिन्यात साजरी केली जाणार आहेत. ज्योतिषशास्त्रीय दृष्टिकोनातून विचार केल्यास नोव्हेंबर महिन्यात ४ ग्रह राशीपरिवर्तन करणार असून, एक ग्रह चलनबदल करणार आहे. (planet position in november 2022)2 / 9नवग्रहांचा राजा सूर्य, नवग्रहांचा राजकुमार बुध, नवग्रहांचा सेनापती मंगळ, शुक्र राशीपरिवर्तन करणार असून, नवग्रहांचा गुरु बृहस्पति चलनबदल करणार आहे. नोव्हेंबर महिन्यात होणाऱ्या या राशीपरिवर्तनाचा काही राशीच्या व्यक्तींना लाभ होणार असल्याचे सांगितले जात आहे.3 / 9८ नोव्हेंबर रोजी चंद्रग्रहण आहे. यानंतर ११ नोव्हेंबर रोजी शुक्र वृश्चिक राशीत प्रवेश करेल. १३ नोव्हेंबर रोजी मंगळ वक्री चलनाने मिथुन राशीतून वृषभ राशीत प्रवेश करेल. याच दिवशी बुध तूळ राशीतून वृश्चिक राशीत प्रवेश करणार आहे. यानंतर नवग्रहांचा राजा सूर्य १६ नोव्हेंबर रोजी वृश्चिक राशीत प्रवेश करेल. 4 / 9नवग्रहांचा गुरु मानला गेलेला गुरु ग्रह स्वराशीत मार्गी होणार आहे. २४ नोव्हेंबर रोजी गुरु मीन राशीत मार्गी होणार आहे. नोव्हेंबर महिन्यातील एकूणच ग्रह स्थितीचा कोणत्या ५ राशीच्या व्यक्तींना उत्तम शुभ-लाभ मिळू शकेल, ते जाणून घेऊया...5 / 9मिथुन राशीच्या व्यक्तींना नोव्हेंबरचा महिना लाभदायक ठरू शकेल. करिअरच्या क्षेत्रात बढती मिळू शकेल. वरिष्ठ तुमच्या कामावर समाधानी राहतील. विद्यार्थ्यांमध्ये तर्कशक्ती वाढू शकेल. शैक्षणिक क्षेत्रात यश मिळू शकेल. आरोग्यातही चांगले बदल दिसून येतील. नोकरदारांना योग्य वेळी तसेच योग्य पद्धतीने कामे करता येतील. नोकरीत तुमची बाजू मजबूत होईल. कार्यक्षेत्रात प्रयत्नांचे पूर्ण फळ मिळेल. नोकरी बदलण्याचा प्रयत्न करणाऱ्यांना यश मिळू शकते.6 / 9कर्क राशीच्या व्यक्तींना नोव्हेंबरचा महिना चांगला ठरू शकेल. मीडिया तसेच फिल्म इंडस्ट्रीमध्ये काम करणाऱ्यांना यश, प्रगती साध्य करता येऊ शकेल. विद्यार्थ्यांसाठीही हा काळ चांगला राहू शकतो. तुमच्या उत्पन्नात लक्षणीय वाढ होऊ शकते. तुमचा खर्च देखील जास्त असेल, परंतु चांगल्या उत्पन्नामुळे तुमच्या आर्थिक स्थितीवर त्याचा फारसा परिणाम होणार नाही.7 / 9सिंह राशीच्या व्यक्तींना नोव्हेंबरचा महिना फलदायी ठरू शकेल. तुम्ही करिअरच्या क्षेत्रात काही यश मिळवू शकता. उत्पन्नातही वाढ होण्याची शक्यता आहे. व्यवसायात चांगला नफा मिळू शकतो. पालकांच्या पाठिंब्याने काही लोक त्यांचे घर घेण्याचे स्वप्न पूर्ण करू शकतात. नोकरदार चांगले काम करतील. जबाबदारी वाढण्याची शक्यता आहे. व्यावसायिकांना केलेल्या गुंतवणुकीचा फायदा होईल.8 / 9कन्या राशीच्या व्यक्तींना नोव्हेंबरचा महिना भाग्यकारक ठरू शकेल. तुम्ही जे काही काम सुरू कराल त्यात तुम्हाला यश मिळू शकते. बेरोजगारांना उत्तम रोजगार मिळू शकतो. काही नोकरदारांची इच्छित ठिकाणी बदली होण्याचीही शक्यता आहे. आर्थिक लाभाच्या अनेक संधी मिळू शकतात. सहकाऱ्यांची चांगली साथ मिळेल. व्यापारी वर्गाच्या लोकांसाठीही महिना चांगला जाईल. या महिन्यात तुमच्या व्यवसायात भरभराट होईल.9 / 9मकर राशीच्या व्यक्तींना नोव्हेंबरचा महिना अनुकूल ठरू शकेल. करिअरच्या चांगल्या संधी मिळण्याची शक्यता आहे. तुम्ही चांगली कमाई करू शकता. तुमच्या खर्चातही कपात होईल. आर्थिक आघाडी मजबूत होऊ शकेल. तुमचे उत्पन्न अचानक वाढू शकेल. तुम्हाला खूप आनंद होईल. तुम्हाला एकापेक्षा जास्त माध्यमातून पैसे मिळतात. नोकरी व्यवसाय आणि व्यापारी वर्गातील लोकांना या महिन्यात फायदा होईल. - सदर माहिती सामान्य गृहीतके आणि ज्योतिषीय मान्यतांवर आधारित असून, संबंधित विषयासंदर्भात संबंधित तज्ज्ञ व्यक्तींचा सल्ला उपयुक्त ठरू शकेल, असे सांगितले जात आहे.