चाणक्यनीति सांगते 'या' चार बाबतीत महिला असतात पुरुषांपेक्षा सरस!

1 / 4

स्त्री चंचल आहे असे म्हणतात, हे खरे आहे. परंतु तिच्या ठायी जेवढा संयम आहे, तेवढा संयम पुरुषात नाही. एका उदाहरणात सांगायचे झाले, तर एक स्त्री दुसऱ्या जीवाला जन्म देण्यासाठी सोसत असलेली गर्भावस्था, प्रसूतिकाळ आणि ओघाने येणारे बाळाचे संगोपन व त्यानंतरही आयुष्यभर न मिटणारी काळजी!

2 / 4

पुरुषांच्या तुलनेत स्त्रियांमध्ये निसर्गतः शक्ती कमी असली, तरीदेखील त्यांनी युद्धशिक्षण, स्वसंरक्षण, कवायती, खेळ अशा गोष्टींचे बालपणापासून प्रशिक्षण घेतले तर त्या प्रतिकार करताना जराही कमी पडणार नाहीत. त्यामुळे स्त्रियांना दुर्बल समजणे ही चूक ठरेल. दुर्बल त्या नसून त्यांची जडण घडण दुर्बल असू शकते.उदाहरण घ्यायचे असेल, तर सप्तशतीची पोथी घ्या, इतिहासातील स्त्रियांचा पराक्रम घ्या नाहीतर अलीकडचे ऑलिंपिक्स स्पर्धेतल्या स्पर्धक घ्या!

3 / 4

पुरुषांच्या तुलनेत निर्णय क्षमतेत स्त्रिया अग्रेसर असतात. त्यांच्या मनात कितीही गोंधळ असो, परंतु प्रसंग जेव्हा निर्णय घेण्याबाबत असतो, त्यावेळी सर्वतोपरी विचार करून निर्णय घेण्याची क्षमता त्यांच्यात जास्त असते. म्हणूनच एकीकडे आपण शेतकऱ्यांच्या आत्महत्येच्या बातम्या वाचतो, त्याच वेळेस दुसऱ्या बाजूला महिला शेतकऱ्यांच्या कर्तृत्त्वाच्या कथा वाचतो.

4 / 4

परिस्थितीशी जुळवून घेण्यात स्त्रिया पुरुषांपेक्षा सरस असतात. त्यामुळे त्या जिथे जातात, तिथे पटकन रुळतात, लोकांशी जोडल्या जातात. एका वेळेस अनेक लोकांना जोडून ठेवण्यासही त्या सक्षम असतात. शांत, अबोल स्त्रियांमध्येही संघटनक्षमता असते. ती निसर्गतः मिळालेली देणगी असते. याउलट पुरुषांना परिस्थितीशी, लोकांशी जुळवून घ्यायला स्त्रियांच्या तुलनेत वेळ लागतो.