Venus Transit in Leo 2022 : शुक्राचा सिंह राशीत प्रवेश, सप्टेंबर महिन्यात 'या' राशीच्या लोकांवर होणार धनवर्षाव

1 / 6

भौतिक सुखांचा कारक मानला जाणारा शुक्र ग्रह सिंह राशीत प्रवेश करणार आहे. ३१ ऑगस्ट रोजी शुक्र कर्क राशीतून सिंह राशीत प्रवेश करेल आणि त्यानंतर २३ दिवस या राशीत राहून शुक्र कन्या राशीत प्रवेश करेल. ज्योतिषशास्त्रात शुक्र हा भौतिक सुखसोयी आणि प्रेमाचा कारक ग्रह मानला जातो. सिंह राशीत शुक्राच्या गोचरामुळे काही राशीच्या लोकांना मोठे आर्थिक लाभ आणि तुमच्या प्रेम जीवनातही काहीतरी नवीन घडण्याची शक्यता आहे. चला जाणून घेऊया या भाग्यवान राशी कोणत्या आहेत.

2 / 6

मेष - या राशीच्या लोकांवर शुक्राच्या गोचराचा शुभ प्रभाव दिसून येईल. कला, डिझायनिंग आणि कविता या क्षेत्राशी संबंधित असलेले लोकांना त्यांच्या करियरमध्ये यश मिळू शकते आणि प्रगतीही होण्याची शक्यता आहे. दुसरीकडे, जे आधीच प्रेम संबंधात आहेत त्यांच्यात या गोचरामुळे काही ससम्या निर्माण होऊ शकतात. या कालावधीत तुमच्या जोडीदाराशी कोणत्याही प्रकारचे भांडण टाळावे. जे अजूनही अविवाहित आहेत त्यांना चांगला जोडीदार मिळू शकतो. संततीसुखाचा विचार करणाऱ्या लोकांसाठी हा कालावधी शुभ परिणाम देणारा ठरू शकतो. शुक्रवारी देवी लक्ष्मीची पूजा करून तिला लाल रंगाचे फूल अर्पण करावे.

3 / 6

वृषभ - शुक्र हा वृषभ राशीचा स्वामी ग्रह आहे. त्यामुळे हे गोचर त्यांच्यासाठी विशेष फलदायी ठरू शकते. शुक्राचं तुमच्या चौथ्या भावात गोचर होत असल्याने चैनीच्या वस्तूंच्या खरेदीकडे कल वाढण्याची शक्यता आहे. या कालावधीत तुम्ही लक्झरी वाहन किंवा इतर कोणतीही वस्तू खरेदी करू शकता. आई वडिलांशीही चांगले संबंध राहतील. त्यांच्या आरोग्याची काळजी घ्या. स्पर्धा परीक्षांची तयारी करणाऱ्यांसाठीही हा काळ उत्तम राहील. जर तुम्ही काही कामासाठी कर्जासाठी अर्ज केला असेल तर तो या कालावधीत मंजूर होऊ शकतो. शुक्रवारी स्नान केल्यानंतर शुक्राच्या बीज मंत्राचा ११ वेळा जप करावा.

4 / 6

सिंह - सिंह राशीच्या लोकांवर शुक्राच्या गोचराचा प्रभाव जीवनातील आनंद वाढवू शकतो. समाजातील लोकांमध्ये तुमची प्रतिष्ठा वाढेल आणि कार्यक्षेत्रातही तुमचा प्रभाव वाढेल. दरम्यान, काही प्रभावशाली लोकांशी तुमचे संपर्क वाढतील. प्रेम आणि वैवाहिक जीवनातही सुखद अनुभव येतील. आर्थिक स्थिती सुधारण्याची शक्यता आहे आणि हे संक्रमण तुमच्या व्यावसायिक जीवनातही चांगल्या संधी आणू शकेल. कला आणि रंगभूमीशी संबंधित असलेल्यांसाठी हे संक्रमण विशेषतः अनुकूल असेल. तुम्हाला अनेक चांगल्या ऑफर्स मिळण्याची शक्यता आहे.

5 / 6

तूळ - तूळ राशीच्या लोकांवर या गोचराचा शुभ प्रभाव दिसून येईल. तुम्हाला प्रत्येक बाबतीत सकारात्मक परिणाम मिळण्याची शक्यता असून प्रलंबित कामेही पूर्ण होऊ शकतात. या कालावधीत आर्थिक लाभही होऊ शकतो आणि मित्रांसोबतचे संबंधही सुधारतील. प्रेम, शिक्षण आणि मुलांच्या बाबतीतही हे गोचर विशेष शुभ मानले जात आहे. मुलांना यश मिळेल. ज्या मुलांना उच्च शिक्षणासाठी परदेशात जायचे आहे त्यांनाही चांगली संधी मिळू शकते. फॅशन डिझायनिंग क्षेत्राशी संबंधित तूळ राशीच्या लोकांच्या करिअरमध्ये प्रगती होऊ शकते आणि तुम्हाला नवीन ऑफर मिळू शकतात.

6 / 6

कुंभ - कुंभ राशीवर शुक्र गोचराचा प्रभाव अतिशय शुभ राहणार आहे. तुमचे वैवाहिक संबंध अधिक सुधारतील. तुमच्या जोडीदाराशी असलेले सर्व प्रकारचे वाद संपण्याची शक्यता आहे आणि तुमच्यात परस्पर समंजसपणा वाढेल. जे अजूनही जोडीदाराच्या शोधात आहेत त्यांना नवा जोडीदारही मिळू शकतो. भागीदारीत व्यवसाय करणाऱ्या लोकांसाठी हा काळ उत्तम ठरेल. जुन्या काळात केलेले तुमचे व्यवहार यावेळी नफा मिळवून देण्याचीही शक्यता आहे.