५ महिने शुभ! गुरु मार्गी होण्याचा ‘या’ ७ राशींना लाभ, सुख-समृद्धी वृद्धी; भाग्योदय काळ!

1 / 15

ज्योतिषशास्त्रानुसार गुरु हा सर्वांत लाभदायक ग्रह मानला जातो. कुंडलीत गुरु ग्रहाची स्थिती मजबूत असेल तर त्या व्यक्तीला वित्त, नातेसंबंध, शिक्षण, प्रगती, व्यावसाय, परोपकार, आरोग्य, सुख, शांती यांमध्ये अत्यंत शुभ परिणाम प्राप्त होऊ शकतात, असे सांगितले जाते. स्वराशीत वक्री असलेला गुरु आता मार्गी झाला आहे. (jupiter direct in pisces 2022)

2 / 15

गुरु मीन राशीचा स्वामी असून, याच राशीत मार्गी झाला आहे. पुढील सुमारे ५ महिने गुरु मीन राशीत असेल, असे सांगितले जात आहे. गुरुच्या मार्गी होण्याचा राशींसह देश, दुनियेवरही प्रभाव दिसून येऊ शकेल. काही राशींसाठी लाभदायक परिस्थिती असेल तर काही राशींना चढ-उतारांना सामोरे जावे लागू शकते. (guru margi in meen rashi 2022)

3 / 15

आताच्या घडीला गुरु मीन राशीत असून, वृश्चिक राशीतील सूर्यावर गुरुची दिव्य दृष्टी त्याच्यावर पडत असल्याचे म्हटले जात आहे. गुरुच्या मीन राशीत मार्गी होण्याचा सर्व राशींवरील प्रभाव कसा असेल, ते जाणून घेऊया...

4 / 15

मेष राशीच्या व्यक्तींना गुरुचे मार्गी होणे काहीसे संमिश्र ठरू शकेल. तुमचे मन धार्मिक कार्यात रमेल. काही कामानिमित्त प्रवास करावा लागू शकतो. नोकरदार लोकांवर कामाचा अधिक दबाव असू शकतो. स्वतःचा व्यवसाय करणाऱ्यांना काही समस्यांना सामोरे जावे लागू शकते. भागीदारीमध्ये व्यवसाय न करण्याचा सल्ला दिला जातो. खर्चावरही नियंत्रण ठेवावे.

5 / 15

वृषभ राशीच्या व्यक्तींना गुरुचे मार्गी होणे अनुकूल ठरू शकेल. गुंतवणुक, शेअर्स, शेअर बाजारातून चांगला नफा होईल. भावंडांसोबतच्या नात्यात दुरावा येऊ शकतो. व्यावसायासाठी हा काळ अनुकूल असेल. कामाच्या ठिकाणी खूप चांगले परिणाम मिळतील. नोकरदार लोकांना सहकारी आणि अधिकारी यांचे चांगले सहकार्य मिळेल. एकत्रितपणे अनेक कामे यशस्वीरित्या पूर्ण करतील.

6 / 15

मिथुन राशीच्या व्यक्तींना गुरुचे मार्गी होणे काहीसे संमिश्र ठरू शकेल. व्यावसायिक जीवनात काहीसा दबाव असू शकेल. कामाच्या ठिकाणी अधिकाऱ्यांमुळे काही अडचणी येऊ शकतात. कामाचा ताण जास्त असल्याने मानसिक तणावाचा सामना करावा लागू शकतो. भागीदारीतील व्यवसायात काही अडथळे येऊ शकतात. भागीदारामुळे नुकसानही होऊ शकते. कौटुंबिक खर्च वाढू शकतात. नियंत्रण ठेवणे खूप महत्त्वाचे ठरू शकेल.

7 / 15

कर्क राशीच्या व्यक्तींना गुरुचे मार्गी होणे सकारात्मक ठरू शकेल. या काळात सकारात्मक परिणाम मिळतील. काही चांगल्या नवीन संधी तुमच्यासमोर येतील. व्यावसायिक बाबतीत चांगली प्रगती होईल. परदेशात जाण्याची संधी मिळू शकते. करिअरला चांगली दिशा मिळू शकेल. व्यवसायात चांगला नफा मिळेल. गुंतवणुकीमुळे आर्थिक परिस्थितीत अनुकूल परिणाम मिळतील.

8 / 15

सिंह राशीच्या व्यक्तींना गुरुचे मार्गी होणे अनुकूल ठरू शकेल. नवीन व्यवसाय सुरू करण्यासाठी चांगल्या ठिकाणी गुंतवणूक करू शकता. भागीदारी व्यवसायात चांगला नफा मिळण्याची शक्यता आहे. पैशांची बचत करणे शक्य होऊ शकेल. समृद्धी येईल. जोडीदारासोबत संबंध चांगले राहतील. संपूर्ण कुटुंबासह एखाद्या ठिकाणी सहलीला जाऊ शकता. मित्रांचाही पूर्ण पाठिंबा मिळेल.

9 / 15

कन्या राशीच्या व्यक्तींना गुरुचे मार्गी होणे सकारात्मक ठरू शकेल. नोकरदारांना अनुकूल परिणाम मिळतील. नवीन संधींमुळे करिअरमध्ये प्रगती होऊ शकेल. व्यवसायाचा विस्तार करण्यासाठी अनुकूल काळ आहे. सकारात्मक परिणाम मिळतील. जोडीदाराचे पूर्ण सहकार्य मिळेल. आरोग्याच्या दृष्टीने आगामी कालावधी चांगला असू शकेल.

10 / 15

तूळ राशीच्या व्यक्तींना गुरुचे मार्गी होणे काहीसे संमिश्र ठरू शकेल. काही आर्थिक समस्यांना सामोरे जावे लागू शकते. व्यवसायात काही समस्यांना सामोरे जावे लागू शकते. जोडीदारासोबत काही कारणाने वादाची परिस्थिती निर्माण होऊ शकते. स्वत:च्या व कुटुंबाच्या आरोग्याची काळजी घ्या. व्यवसायासाठी नवीन व्यवहार टाळण्याचा सल्ला दिला जात आहे.

11 / 15

वृश्चिक राशीच्या व्यक्तींना गुरुचे मार्गी होणे प्रगतीकारक ठरू शकेल. प्रयत्नांना यश मिळेल. आनंद आणि समृद्धी येईल. नोकरीच्या शोधात असलेल्यांना चांगल्या ऑफर मिळू शकतात. नोकरदारांचे सहकारी आणि वरिष्ठांशी चांगले संबंध राहतील. परदेशात जाण्याची संधी मिळू शकेल. प्रेमात असलेल्यांसाठी काळ अनुकूल राहील.

12 / 15

धनु राशीच्या व्यक्तींना गुरुचे मार्गी होणे काहीसे संमिश्र ठरू शकेल. कौटुंबिक जीवन आणि कामाच्या ठिकाणी काही समस्यांना सामोरे जावे लागू शकते. मित्रांचे पूर्ण सहकार्य मिळेल. हळूहळू समस्यांपासून मुक्त व्हाल. नोकरदार लोक त्यांच्या कामावर असमाधानी असू शकतात. सहकारी आणि अधिकारी यांचे फारसे सहकार्य मिळणार नाही. जोडीदाराशी वाद टाळा. संवादातून परिस्थिती हाताळणे उपयुक्त ठरू शकेल.

13 / 15

मकर राशीच्या व्यक्तींना गुरुचे मार्गी होणे काहीसे संमिश्र ठरू शकेल. नोकरदारांवर कामाचा ताण जास्त असेल. सहकाऱ्यांच्या सहकार्याअभावी काही कामे अपूर्ण राहू शकतात. पालकांसोबत मतभेद होण्याची शक्यता आहे. जोडीदाराचे पूर्ण सहकार्य मिळेल. आरोग्याची विशेष काळजी घेण्याचा सल्ला दिला जात आहे.

14 / 15

कुंभ राशीच्या व्यक्तींना गुरुचे मार्गी होणे यशकारक ठरू शकेल. तुम्ही घेतलेल्या मेहनतीचे कौतुक केले जाईल. ज्या गोष्टी साध्य करण्यासाठी तुम्ही उत्सुक होतात, त्याही हळूहळू पूर्ण होताना दिसतील. व्यावसायात प्रगतीच्या चांगल्या संधी मिळतील. परदेशात जाण्याची संधी मिळेल. भागीदारीतील व्यवसायात चांगला नफा मिळू शकेल. आरोग्याची काळजी घेण्याचा सल्ला दिला जात आहे.

15 / 15

मीन राशीत वक्री असलेला गुरु मार्गी झाला आहे. या राशीच्या व्यक्तींना राशीस्वामी असलेल्या गुरुचे मार्गी होणे काहीसे संमिश्र ठरू शकेल. यशासाठी थोडी प्रतीक्षा करावी लागेल. आरोग्याची काळजी घ्यावी. नोकरदारांनी आपल्या कामात स्पष्टता ठेवावी. अन्यथा अधिकारी आणि सहकाऱ्यांशी वादाला सामोरे जावे लागू शकते. नोकरी बदलण्यास भाग पाडले जाऊ शकते. जोडीदारासोबत एखाद्या गोष्टीवरून मतभेद होऊ शकतात. - सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.