बुधाचा मिथुन प्रवेश: ७ राशींना लाभच लाभ, संपत्तीत वृद्धी; ५ राशींना सतर्कतेचा संमिश्र काळ!

1 / 15

नवग्रहांचा राजकुमार बुध वृषभ राशीतून मिथुन राशीत प्रवेश केला आहे. आताच्या घडीला मिथुन राशीत नवग्रहांचा राजा सूर्य विराजमान आहे. बुध आणि सूर्याच्या युतीचा अतिशय शुभ मानला गेलेला बुधादित्य योग जुळून आला आहे. ०८ जुलै रोजी बुध कर्क राशीत प्रवेश करेल.

2 / 15

आताच्या घडीला बुध अस्तंगत अवस्थेत आहे. बुध अस्त असताना मिथुन राशीत प्रवेश केला आहे. जुलै महिन्यात बुधाचा उदय होणार आहे. अशा परिस्थितीत, बुधाचे हे संक्रमण सर्व राशींच्या वैयक्तिक, व्यावसायिक आणि आर्थिक स्थितीवर परिणाम करणार आहे.

3 / 15

बुधाचे हे संक्रमण काही राशीच्या लोकांच्या जीवनात आनंद आणणार आहे, तर अनेक राशीच्या लोकांना या काळात त्यांच्या आर्थिक स्थितीवर विशेष लक्ष ठेवणे आवश्यक आहे. मिथुन राशीतील बुधाचे गोचर तुमच्या राशीवर कसा परिणाम करू शकेल, ते जाणून घ्या...

4 / 15

मेष राशीच्या व्यक्तींना बुधाचा मिथुन प्रवेश अनुकूल ठरू शकेल. व्यावसायिक जीवनात बरेच बदल होतील. वरिष्ठांशी चांगले संबंध ठेवण्याचा सल्ला देण्यात आला आहे. कामाच्या ठिकाणी जबाबदाऱ्या वाढण्याची शक्यता आहे. खर्चात वाढ होईल. मुलांशी संबंधित काही चांगल्या बातम्या ऐकायला मिळू शकतात. ज्या मित्रांकडून तुम्हाला सहकार्याची अपेक्षा होती, ते पूर्णपणे मिळेल.

5 / 15

वृषभ राशीच्या व्यक्तींना बुधाचा मिथुन प्रवेश संमिश्र ठरू शकेल. विद्यार्थ्यांनी लक्ष अभ्यासाकडे द्यावे. कामाच्या ठिकाणी काही आव्हानांना सामोरे जावे लागू शकते. व्यवसायाच्या योजनांमध्ये सुधारणा होईल. आर्थिक लाभाच्या संधी समोर येतील. कामाच्या जबाबदाऱ्याही वाढू शकतात.

6 / 15

मिथुन राशीत बुधाने प्रवेश केलेला आहे. या राशीच्या व्यक्तींना हा काळ लाभाचा ठरू शकेल. मानसिक प्रसन्नता वाढू शकेल. तब्येतीची काळजी घेण्याचा सल्ला देण्यात आला आहे. नोकरदारांना कामाच्या अतिरिक्त जबाबदाऱ्या येऊ शकतात. कामाच्या संदर्भात परदेशात जाण्याची शक्यता आहे. काही काळ कुटुंबापासून दूर राहावे लागेल.

7 / 15

कर्क राशीच्या व्यक्तींना बुधाचा मिथुन प्रवेश सकारात्मक ठरू शकेल. लोकांना शांतता आणि समाधान वाटेल. व्यवसाय क्षेत्रातील सक्रियता वाढू शकते. भावंडांशी वाद टाळणे आवश्यक आहे. नोकरीशी संबंधित परीक्षा आणि मुलाखतींमध्ये यशाची अपेक्षा करता येईल. उत्पन्नात वाढ होण्याची शक्यता आहे.

8 / 15

सिंह राशीच्या व्यक्तींना बुधाचा मिथुन प्रवेश संमिश्र ठरू शकेल. आरोग्याबाबत सावध राहणे आवश्यक आहे. व्यवसाय पुढे नेण्यासाठी खूप प्रयत्न करावे लागतील. भावंडांशी वाद घालू नका असा सल्ला दिला जातो. नवीन नोकरीच्या शोधात आहेत त्यांना यश मिळू शकते. उत्पन्नात वाढ होण्याची शक्यता निर्माण झाली आहे.

9 / 15

कन्या राशीच्या व्यक्तींना बुधाचा मिथुन प्रवेश चांगला ठरू शकेल. व्यापाऱ्यांच्या व्यवसायात वाढ होईल. कामानिमित्त परदेश दौऱ्यावर जाऊ शकता. हा प्रवास खूप फायदेशीर ठरेल. लेखन इत्यादी काम करतात ते खूप व्यस्त असणार आहेत. आर्थिक स्थिरतेसाठी प्रयत्नशील राहा. तूर्तास, चांगले आरोग्य राखण्यावर लक्ष केंद्रित करणे महत्त्वाचे आहे.

10 / 15

तूळ राशीच्या व्यक्तींना बुधाचा मिथुन प्रवेश काहीसा संमिश्र ठरू शकेल. कुटुंबात अनावश्यक वादविवादापासून सावध राहण्याची गरज आहे. कामाच्या ठिकाणी होणारा बदल आव्हानात्मक असू शकतो. एखाद्या मित्राकडून व्यवसायाचा प्रस्ताव मिळू शकतो. कामासाठी अधिक मेहनत घ्यावी लागेल.

11 / 15

वृश्चिक राशीच्या व्यक्तींना बुधाचा मिथुन प्रवेश काहीसा संमिश्र ठरू शकेल. कौटुंबिक समस्यांना सामोरे जावे लागू शकते. त्रास सहन करावा लागू शकतो. व्यापाऱ्यांना अनेक आव्हानांना सामोरे जावे लागू शकेल. विश्वासू मित्राच्या पाठिंब्याने सुधारणा होण्याची अपेक्षा करू शकता. आरोग्याबाबत सावध राहावे लागेल.

12 / 15

धनु राशीच्या व्यक्तींना बुधाचा मिथुन प्रवेश सकारात्मक ठरू शकेल. करिअरमध्ये प्रगती अपेक्षित आहे. कामाच्या जबाबदाऱ्या वाढू शकतील. कुटुंबात शांतता आणि सुसंवाद राखणे आवश्यक आहे. एखादा जुना मित्र तुम्हाला भेटायला येऊ शकतो. व्यावसायिकांना व्यवसाय वाढवण्यासाठी वडिलांकडून आर्थिक मदत घ्यावी लागू शकते. नोकरदारांचे उत्पन्न वाढेल.

13 / 15

मकर राशीच्या व्यक्तींना बुधाचा मिथुन प्रवेश काहीसा संमिश्र ठरू शकेल. खर्चात वाढ होईल. ज्यामुळे अस्वस्थ होऊ शकता. जे नोकरी शोधत आहेत किंवा नोकरी बदलू इच्छित आहेत त्यांना मित्राच्या मदतीने चांगली संधी मिळू शकते. कुटुंबासोबत तीर्थयात्रा किंवा धार्मिक स्थळाला भेट देण्याचे योग जुळून येऊ शकेल.

14 / 15

कुंभ राशीच्या व्यक्तींना बुधाचा मिथुन प्रवेश चांगला ठरू शकेल. चांगली बातमी मिळू शकते. वैवाहिक जीवनात खूप आनंद वाटेल. तुम्ही एकमेकांच्या सहवासाचा खूप आनंद घ्याल. बौद्धिक कार्यांसाठी अनुकूल काळ ठरू शकेल.

15 / 15

मीन राशीच्या व्यक्तींना बुधाचा मिथुन प्रवेश लाभदायक ठरू शकेल. अनुकूलता येऊ शकेल. संपत्ती वाढू शकेल. करिअरमध्ये प्रगतीची शक्यता आहे. अनेक संधी मिळतील. दुसऱ्या ठिकाणी बदली होऊ शकते. खर्च वाढू शकतो. आर्थिक योजना तयार केल्यानंतरच खर्च करावा. - सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.