Surya Gochar 2023: १५ जून ते १६ जुलै, हा काळ 'या' राशींसाठी ठरेल भाग्याचा आणि काही राशींसाठी सावधतेचा!

1 / 8

१५ जून, गुरुवार रोजी सायंकाळी ६.०७ वाजता सूर्याचे मिथुन राशीत संक्रमण होणार आहे. सूर्य मिथुन राशीमध्ये सुमारे १ महिना राहील. म्हणजेच १५ जून ते १६ जुलै असा तो कालावधी असेल. त्यानंतर सूर्य कर्क राशीत प्रवेश करेल. त्यालाच कर्क संक्रांती असेही म्हणतात. जशी मकर संक्रांत असते तशी कर्क संक्रांत असते. तूर्तास येत्या महिना भरात होणाऱ्या बदलाचा विचार करू आणि त्याची सविस्तर माहिती पाहू.

2 / 8

सूर्याच्या राशी बदलाचा मानवी जीवनावर सर्वात मोठा प्रभाव पडतो. सूर्य हा पृथ्वीवरील ऊर्जेचा सर्वात मोठा नैसर्गिक स्रोत आहे, तर नऊ ग्रहांपैकी सूर्य हा सर्वात मोठा मानला जातो. ज्योतिषशास्त्रात सूर्य हा ज्योतिष शास्त्राचा आत्मा, पिता, नायक इत्यादींचा कारक मानला जातो.

3 / 8

कुंडलीत सूर्याच्या बलामुळे व्यक्तीला उच्च स्थान आणि सन्मान प्राप्त होतो. ज्योतिषांच्या मते, सूर्य मेष राशीमध्ये उच्च आणि तूळ राशीमध्ये दुर्बल मानला जातो. यंदाचे सूर्याचे संक्रमण सर्व १२ राशींवर पूर्णपणे परिणाम करेल, परंतु काही राशीच्या लोकांसाठी ते अधिक शुभ असेल, तर काही राशीच्या राशीच्या लोकांना या काळात सावध राहण्याचा सल्ला दिला आहे.

4 / 8

मेष राशीच्या तिसऱ्या घरात सूर्याचे संक्रमण होणार आहे. या संक्रमणामुळे प्रवासाची शक्यता निर्माण होईल. धैर्य आणि पराक्रम वाढेल. लोकांचे सहकार्य मिळेल. नवीन लोकांशी भेट होईल. आर्थिक आघाडीवर भरभराट होईल. कामात लाभ होईल. सर्व गोष्टी नीट समजून घेऊन विचारपूर्वक काम केले तर व्यवसायातही प्रगती होईल. कामाच्या ठिकाणी सहकाऱ्यांशी चांगले वागणे तुम्हाला लाभदायक ठरेल.

5 / 8

सूर्याचे हे संक्रमण सिंह राशीच्या लोकांच्या अकराव्या घरात होईल. हे संक्रमण अनेक बाबतीत फायदेशीर ठरेल. सर्व कामांमध्ये अनुकूल परिणाम मिळतील. यश मिळण्याची शक्यता आहे. तुम्ही कोणतेही काम कराल, त्यात तुम्हाला यश मिळेल. यावेळी तुमच्याकडून शत्रूंचा पराभव होईल. समाजातील मोठ्या लोकांचे सहकार्य मिळेल. समाजात मान-सन्मान मिळेल. पैसे मिळण्याची शक्यता आहे.

6 / 8

सूर्याचे हे संक्रमण दहाव्या स्थानात होणार आहे. कामाच्या ठिकाणी यश मिळेल. करिअरमध्ये उंची गाठली जाईल. नोकरीत पद आणि प्रतिष्ठा मिळेल. व्यवसायात चांगली प्रगती होण्याची शक्यता आहे. कार्यक्षमतेत वाढ होईल. नवीन मित्रांचे सहकार्य मिळेल. मात्र कोणावरही डोळे झाकून विश्वास ठेवत चुकीचा निर्णय घेऊ नका नाहीतर मोठा पश्चात्ताप सहन करावा लागेल.

7 / 8

सूर्याचे हे संक्रमण कुंभ राशीच्या लोकांच्या पाचव्या घरात होणार आहे. नवीन कार्य सुरू करण्यासाठी हा काळ अनुकूल राहील. प्रेमसंबंधांमध्ये नात्यात मधुरता वाढेल. आरोग्य चांगले राहील. जोडीदारासोबत समन्वय चांगला राहील. व्यवसायात प्रगतीची संधी मिळेल. आर्थिक लाभ होण्याची शक्यता आहे. विद्यार्थ्यांसाठी हा काळ भाग्यशाली ठरेल.

8 / 8

या संक्रमणादरम्यान मिथुन, कर्क, तूळ आणि मीन राशीच्या लोकांकडे लक्ष देण्याची गरज आहे. या राशीच्या लोकांचे आरोग्य बिघडू शकते. कामात अडथळे येऊ शकतात. खर्च वाढू शकतो. यशप्राप्ती साठी खूप प्रयत्न करावे लागतील. त्यामुळे या काळात तुम्हाला अधिक मेहनत करावी लागेल आणि स्वतःला फिट ठेवण्यासाठी पूर्ण तयारी करावी लागेल.