Aadhaar Card: घरबसल्या आधार नंबरद्वारे तपासा आपला बँक बॅलन्स, अतिशय सोपी आहे प्रक्रिया

1 / 6

Aadhaar Card: सध्या आधार कार्ड हे महत्त्वाच्या कागदपत्रांपैकी एक बनले आहे. केंद्र सरकारची संस्था UIDAI द्वारे आधार कार्ड जारी केले जाते. यामध्ये प्रत्येक नागरिकाचे नाव, जन्मतारीख, लिंग, पत्ता आणि बायोमेट्रिक तपशील (Aadhaar Card Biometric Details) नोंदवले जातात. हा 12 अंकी युनिक क्रमांक आहे. तुम्ही घरबसल्या आधार क्रमांकाद्वारे तुमचा बँक बॅलन्स देखील तपासू शकता. ही एक अतिशय सोपी प्रक्रिया आहे.

2 / 6

आजकाल आधारचा वापर बँक खाते उघडणे, आयकर रिटर्न भरणे, पॅन कार्ड घेणे, प्रवास करणे, ड्रायव्हिंग लायसन्स मिळवणे अशा विविध कामांसाठी केला जातो. सर्व बँकांनी त्यांच्या खात्यांचे केवायसी करणे अनिवार्य केले आहे.

3 / 6

आधार क्रमांकासह बँकेतील शिल्लक रक्कम तपासण्यासाठी, आधार क्रमांक बँक खात्याशी लिंक करणे खूप महत्वाचे आहे. फक्त 12 क्रमांकाचा आधार क्रमांक टाकून तुम्ही तुमच्या खात्यात जमा झालेल्या पैशांची माहिती मिळवू शकता.

4 / 6

जे लोक इंटरनेट वापरत नाहीत आणि स्मार्टफोनचाही वापर करत नाहीत यांच्यासाठी आधारद्वारे बँक खात्याचे तपशील जाणून घेणे खूप फायदेशीर आहे. अशा परिस्थितीत वृद्धांना या सेवेचा सर्वाधिक फायदा होतो. अशा प्रकरणांमध्येही ही सेवा अत्यंत उपयुक्त आहे.

5 / 6

बँक बॅलन्स तपासण्यासाठी, सर्वप्रथम तुमच्या नोंदणीकृत मोबाइल नंबरवरून *99*99*1# वर कॉल करा. यानंतर तुम्हाला 12 अंकी आधार क्रमांक टाकण्यास सांगितले जाईल. यानंतर, या क्रमांकाची पडताळणी करण्यासाठी, तुम्हाला पुन्हा आधार क्रमांक टाकावा लागेल.

6 / 6

नंतर UIDAI तुम्हाला एक संदेश पाठवेल. ज्यामध्ये तुम्ही बँक बॅलन्स सहज तपासू शकता. आधार कार्डाचा वापर पैसे पाठवणे, सरकारी अनुदानासाठी अर्ज करणे आणि पॅन कार्ड मिळवणे अशा अनेक गोष्टींसाठीही केला जाऊ शकतो.