IDBI Bank मध्ये नोकरी देण्याच्या नावावर होतेय फसवणूक; बँकेनं माहिती देत सागितलं राहा सावध

1 / 15

सध्या IDBI बँकेत नोकरीची संधी असल्याच्या चर्चा रंगत असल्याची माहिती समोर आली होती. परंतु ही बँकेला ही माहिती समजल्यानंतर बँकेनं ग्राहकांना सावध राहण्यास सांगितलं आहे.

2 / 15

IDBI बँकेत नोकरी मिळवून देण्याच्या नावावर लोकांची फसवणूक होत असल्याचंही बँकेनं म्हटलं आहे.

3 / 15

सोशल मीडियावर एक खोट्या माहितीद्वारे नोकरी देण्याचं सांगून लोकांची फसवणूक केली जात आहे.

4 / 15

बँकेनं यावर स्पष्टीकरण देत त्यांनी नियुक्ती कंवा लोकांकडून पेसै घेण्यावरून कोणत्याही एजन्सीची सेवा घेतली जात नाही, असं बँकेनं नमूद केलं आहे.

5 / 15

तसंच अशा खोट्या मेसेजेस संदर्भात सावध राहण्याचं आवाहनही बँकेनं केलं आहे.

6 / 15

बँकेच्या नावाचा वापर करून फसवणूक करणाऱ्या काही व्यक्ती / नियुक्ती करणाऱ्या संस्था या आयडीबीआय बँकेच्या नावावर खोटी नियुक्ती पत्र देऊन नोकरी देण्याचं आश्वासन देत असल्याचं बँकेच्या निदर्शनास आल्याचं बँकेनं ट्वीटमध्ये म्हटलं आहे.

7 / 15

जर तुमच्याकडे असा कोणताही फोन आला तुम्ही सावध राहा आणि पूर्ण तपास केल्यानंतरच पुढील पाऊल उचला, असंही बँकेनं म्हटलं आहे.

8 / 15

लोकांना देण्यात येणाऱ्या नियुक्ती पत्रात बँकेचं नाव, लोगो आणि पत्त्याचाही वापर करण्यात आला आल्याचंही बँकेनं म्हटलंय.

9 / 15

बँकेनं दिलेल्या माहितीनुसार त्यांनी आपल्या बाजूनं नियुक्ती आणि प्रशिक्षणासाठी कोणत्याही प्रकारचं शुल्क, कमिशन अथवा कोणतेसे पेसे आकारण्यासाठी कोणत्याही एजन्सीची किंवा व्यक्तीची नियुक्ती केली नाही.

10 / 15

बँकेत नोकरी लावून देण्याचं आश्वासन देत काही लोकांना खोटे फोन कॉल येत असल्याचंही निदर्शनास आल्याचं बँकेनं म्हटलं आहे.

11 / 15

अशाप्रकारे फसवणूक करणाऱ्या लोकांपासून आणि एजन्सीपासून सावध राहा. बँकेत कोणत्याही प्रकारची नियुक्ती करण्याचा निर्णय झाल्यास त्याची माहिती www.idbibank.in या वेबसाईटवर देण्यात येत असल्याचंही बँकेनं स्पष्ट केलं.

12 / 15

अशा परिस्थितीत जर तुमच्याकडे आयडीबीआय बँकेत नोकरी देण्याच्या नावावर कोणताही फोन आला तर त्वरित इमेल अथवा बँकेच्या वेबसाईटवर जाऊन याची माहिती घेण्याचं आवाहनही बँकेनं केलं आहे .

13 / 15

आयडीबीआय ही एलआयसीच्या नियंत्रणातील एक बँक आहे. नुकतंय या बँकेचं नियंत्रण देशातील सर्वात मोठी विमा कंपनी एलआयसीच्या हाती देण्यात आलं आहे.

14 / 15

काही दिवसांपूर्वी रिझर्व्ह बँकेनं आयडीबीआय बँकेला पीसीएमधून मुक्त केलं आहे. बँकेमध्ये काही आर्थिक सुधारणा दिसल्यानंतर बँकेला यातून मुक्त करण्यात आलं.

15 / 15

पीसीए म्हणजे कोणतीही बँक रिझर्व्ह बँकेच्या देखरेखीखाली असते. या अंतर्गत बँकेला आपल्या कामकाजात त्वरित सुधारणा कराव्या लागतात. तसंच बँकेला नवी कर्ज देण्याचीही परवानगी नसते.