आधी आपटला मग सुसाट सुटला! सरकारी कंपनीचा शेअर एका वर्षात ६ पट वाढला; गुंतवणूकदार मालामाल

1 / 11

शेअर बाजारात सध्या सरकारी कंपन्यांच्या शेअर्समध्ये लक्षणीय वाढ होत आहे. रेल्वे, उर्जा आणि संरक्षण क्षेत्राशी संबंधित अशा अनेक कंपन्या आहेत ज्यांनी गुंतवणूकदारांना चांगला परतावा दिला आहे.

2 / 11

अशा देखील अनेक कंपन्या आहेत, ज्या इतर सरकारी कंपन्यांच्या तुलनेत तेजीत मागे राहिल्या. पण, आता या कंपन्यांच्या शेअर्समध्ये जोरदार वाढ होत आहे. असाच शेअर सरकारी क्षेत्रातील नॉन-डिपॉझिट NBFC कंपनीचा आहे. खरं तर IFCI Limited च्या स्टॉकने मंगळवारी गुंतवणूकदारांना चांगला दिलासा दिला.

3 / 11

आज बरोबर ३० जानेवारी २०२३ रोजी IFCI Limited च्या शेअरची किंमत १२.१५ रूपये एवढी होती. त्यानंतर २८ मार्च २०२३ रोजी शेअर ९ रूपयांच्या पातळीवर घसरला होता.

4 / 11

मात्र, एका वर्षानंतर मंगळवारी बरोबर ३० जानेवारी २०२४ रोजी या स्टॉकने ६३.८५ रुपयांचा उच्चांक गाठला. केवळ एका वर्षात IFCI च्या शेअरने गुंतवणूकदारांना ४२५ टक्के मल्टीबॅगर परतावा दिला.

5 / 11

दरम्यान, २८ मार्च २०२३ च्या आधी ज्या गुंतवणूकदारांनी IFCI चा स्टॉक ९ रुपये किमतीला विकत घेतला होता त्यांना या शेअरने एका वर्षात ६ पट परतावा दिला आहे. एकूणच ६०९ टक्के रिर्टन्स मिळाले आहेत.

6 / 11

२४ वर्षांपूर्वी अर्थात २००० मध्ये IFCI स्टॉक एक्स्चेंजवर सूचीबद्ध झाली होती. डिसेंबर २००७ मध्ये शेअरने ११६ रूपयांचा उच्चांक गाठला होता. मात्र, त्यानंतर शेअरमध्ये सातत्याने घसरण होत गेली.

7 / 11

या शेअरने मागील अनेक वर्ष गुंतवणूकदारांना नाराज केले. परंतु इतक्या वर्षांच्या खराब कामगिरीनंतर स्टॉकने अवघ्या एका वर्षात गुंतवणूकदारांना चांगला परतावा दिला.

8 / 11

IFCI ही कंपनी विविध उद्योगांना कर्जाद्वारे आर्थिक मदत करते. कंपनीने विमानतळ, रस्ते, दूरसंचार, ऊर्जा, रिअल इस्टेट, उत्पादन आणि सेवा क्षेत्राशी संबंधित कंपन्यांना कर्ज दिले आहे.

9 / 11

कंपनीच्या वेबसाइटनुसार, IFSC ने अदानी समूहाच्या अदानी मुंद्रा पोर्ट, GMR चे गोवा आंतरराष्ट्रीय विमानतळ, सालासर महामार्ग यांसारख्या मोठ्या प्रकल्पांना निधी दिला आहे.

10 / 11

कंपनीच्या आर्थिक कामगिरीबद्दल भाष्य करायचे झाल्यास, २०२२-२३ मध्ये कंपनीचा महसूल १४८५ कोटी रूपये होता. तर ११९ कोटी रूपयांचे नुकसान सहन करावे लागले होते. परंतु, २०२१-२२ च्या तुलनेत तोट्यात घट झाली आहे, कारण तेव्हा १७६१ कोटी रूपयांचे मोठे नुकसान झाले होते.

11 / 11

(टीप - यामध्ये शेअरच्या कामगिरीविषयी माहिती देण्यात आली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)