फेसबुकनंतर जिओचा आणखी एक मोठा करार; अमेरिकेच्या 'या' कंपनीसोबत मिळवला हात

1 / 11

गेल्या काही दिवसांपूर्वीच फेसबुकने जिओ प्लॅटफॉर्मवर एक मोठा करार केला होता. आता मुकेश अंबानी यांच्या रिलायन्स समूहाने त्याच्याही पुढे जात आणखी एक नवा करार जाहीर केला आहे.

2 / 11

जिओ प्लॅटफॉर्म आणि अमेरिकन प्रायव्हेट इक्विटी फर्म सिल्व्हर लेक यांच्यात करार झाला आहे. अमेरिकेच्या सिल्व्हर लेकनं 5,656 कोटी रुपयांमध्ये जिओची एक टक्का भागीदारी मिळवली आहे.

3 / 11

या कराराबद्दल रिलायन्स इंडस्ट्रीजचे सर्वेसर्वा व मॅनेजिंग डायरेक्टर मुकेश अंबानींनी आनंद व्यक्त केला आहे.

4 / 11

'सिल्व्हर लेक फर्म तंत्रज्ञानात जगभर नावाजलेली कंपनी असून, तिच्याकडे बड्या तंत्रज्ञान कंपन्यांसह भागीदारीचा मोठा विक्रम आहे.

5 / 11

तंत्रज्ञान आणि वित्त या बाबतीत सिल्व्हर लेक कंपनी बरीच लोकप्रिय आहे, असंही अंबानी म्हणाले आहेत.

6 / 11

तंत्रज्ञान क्षेत्रातील गुंतवणुकीत सिल्व्हर लेक जागतिक क्रमांकावरील मोठी कंपनी आहे.

7 / 11

तसेच जगातील सुमारे 43 अब्ज डॉलर्सची संपत्ती सिल्व्हर लेक फर्मकडे असून, त्यांच्याकडे जवळपास १०० गुंतवणूकदार व कार्यकारी व्यावसायिकांची टीम आहे.

8 / 11

याआधी सिल्व्हर लेकने अलिबाबा ग्रुप, एअरबीएनबी, डेल, दीदी चकिंग, हायला मोबाइल, अँट फायनान्शियल, एल्फाबेट व्हेरिली आणि ट्विटरमध्येही गुंतवणूक केली आहे.

9 / 11

22 एप्रिलला जिओ प्लॅटफॉर्मने फेसबुकबरोबर 43,574 कोटी रुपयांच्या करारावर स्वाक्षरी केली होती, त्यानंतर जिओ प्लॅटफॉर्मची 9.9% भागीदारी फेसबुकवर गेली होती. जिओ प्लॅटफॉर्मचा फेसबुक सर्वात मोठा भागधारक आहे.

10 / 11

रिलायन्सचे सर्व डिजिटल व्यवसाय असलेल्या जिओ प्लॅटफॉर्म लिमिटेड ही रिलायन्स इंडस्ट्रीजची संपूर्ण मालकीची कंपनी आहे. रिलायन्स जिओ इन्फोकॉम लिमिटेडही जिओ प्लॅटफॉर्मची एक कंपनी आहे.

11 / 11

तसेच माय जियो, जिओ टीव्ही, जियो सिनेमा, जिओ न्यूज आणि जिओ सावन, अशा सुविधा आहेत. एवढेच नव्हे तर रिलायन्स कंपनीअंतर्गत आपले शिक्षण, आरोग्य सेवा आणि कृषी डिजिटल सेवा देखील सांभाळते.