मुकेश अंबानींच्या कामी आला हुकूमी एक्का; पाणी विकणाऱ्या चिनी उद्योगपतीला 'दे धक्का'

1 / 10

रिलायन्स उद्योग समूहाचे प्रमुख मुकेश अंबानी पुन्हा एकदा आशिया खंडातील सर्वात धनाढ्य व्यक्ती ठरले आहेत. चिनी उद्योगपती झोंग शानशान यांना मागे टाकत अंबानी यांनी पहिला क्रमांक पटकावला आहे.

2 / 10

फोर्ब्सच्या रियल-टाईम बिलिनियर्स यादीनुसार, मुकेश अंबानी आशिया खंडातील श्रीमंत उद्योगपतींच्या यादीत पहिल्या स्थानी आहेत.

3 / 10

फोर्ब्सच्या बिलिनियर्सच्या यादीत मुकेश अंबानी जगात १० व्या क्रमांकावर आहेत. तर शानशान १३ व्या स्थानी आहेत.

4 / 10

मुकेश अंबानी यांची एकूण संपत्ती ८० बिलियन डॉलर इतकी आहे. काही महिन्यांपूर्वीच शानशान यांनी अंबानींना मागे टाकत आशियातील सर्वात धनाढ्य व्यक्ती होण्याचा मान पटकावला.

5 / 10

मुकेश अंबानी यांनी शानशान यांना पुन्हा मागे टाकत अव्वल स्थान काबीज केलं आहे. आशियात पहिलं स्थान मिळवण्यासाठी अंबानी आणि शानशान यांच्यात जोरदार चढाओढ सुरू आहे.

6 / 10

चिनी उद्योगपती झोंग शानशान यांची फेब्रुवारीतली संपत्ती ७७ बिलियन डॉलर इतकी आहे. आठवड्याभरात शानशान यांच्या कंपनीचे शेअर्स २० टक्क्यांनी घसरले. त्यामुळे त्यांच्या संपत्तीचा आकडा कमी झाला.

7 / 10

बाटलीबंद पाण्याची निर्मिती करणाऱ्या नोंगफू स्प्रिंग कंपनीचे मालक शानशान यांनी ३१ डिसेंबर २०२० रोजी अंबानींना मागे टाकलं आणि आशियातील सर्वात श्रीमंत व्यक्ती होण्याचा मान मिळवला.

8 / 10

आता आठवडाभरात शानशान यांच्या कंपनीचे शेअर्स कोसळल्यानं त्यांना २२ अब्ज डॉलरचं नुकसान झालं. त्यामुळे शानशान यांना अंबानी यांनी मागे टाकलं.

9 / 10

मुकेश अंबानींच्या यशात रिलायन्स जिओचा मोठा वाटा आहे. जिओनं २० बिलियन डॉलर्सहून अधिकची कमाई करून ती कर्जमुक्त झाल्याची घोषणा अंबानींनी गेल्या वर्षी केली. याचा मोठा फायदा अंबानींना झाला.

10 / 10

आधी ऊर्जा क्षेत्रावर लक्ष केंद्रीत करणाऱ्या अंबानींना आता तंत्रज्ञान आणि ई-कॉमर्स क्षेत्राला प्राधान्य दिलं आहे.