Rakesh Jhunjhunwala मालामाल! ‘या’ कंपनीतील गुंतवणूक सुपरहीट; कमावले ६५०० कोटी

1 / 9

गेल्या काही दिवसांमध्ये शेअर मार्केटमध्ये मोठा चढ-उतार पाहायला मिळत आहे. हजारो अंकांनी कोसळलेला बाजार आता काही प्रमाणात सावरताना दिसत आहे. यातच अनेकविध क्षेत्रातील विविध कंपन्यांचे IPO येऊन बाजारात धडकत आहेत.

2 / 9

यातच आता बिग बुल म्हणून ओळखल्या जाणाऱ्या Rakesh Jhunjhunwala यांना एका कंपनीच्या गुंतवणुकीतून मोठा लाभ झाला असून, केवळ काही दिवसांतच राकेश झुनझुनवाला यांनी ६ हजार ५०० कोटी रुपये कमावल्याचे सांगितले जात आहे.

3 / 9

Star Health इंशुरन्स कंपनीमधील गुंतवणुकीचा Rakesh Jhunjhunwala यांना मोठा फायदा झाला आहे. स्टार हेल्थ कंपनीच्या IPO कडे गुंतवणूकदारांनी पाठ फिरवल्याचे चित्र असले, तरी राकेश झुनझुनवाला मात्र मालामाल झाले आहेत.

4 / 9

Star Health and Allied Insurance कंपनीचा शेअर हा मार्केटमध्ये लिस्टिंग झाला आहे. या कंपनीच्या IPO कडे किरकोळ गुंतवणूकदारांनी पाठ फिरवल्याचे बोलले जात आहे.

5 / 9

या कंपनीचा IPO ९०० रुपयांच्या प्राइजवर खुला करण्यात आला होती. मात्र, ५.६९ रुपयांनी शेअर घसरले होते. नंतर शेअर मार्केटमधील तेजीचा फायदा या कंपनीला पोहोचला आणि स्टार हेल्थचा शेअरने चांगलीच झेप घेतली. आताच्या घडीला तो ९४० रुपयांवर पोहोचला आहे.

6 / 9

Rakesh Jhunjhunwala यांना या कंपनीतील गुंतवणुकीमुळे ६ पट फायदा झाला असून, या गुंतवणुकीतून राकेश झुनझुनवाला यांना तब्बल ६५०० रुपयांचा फायदा झाला आहे. या कंपनीत राकेश झुनझुनवाला यांचा हिस्सा १४.९८ टक्के आहे.

7 / 9

Rakesh Jhunjhunwala यांच्या पत्नी रेखा झुनझुनवाला यांचीही स्टार हेल्थ कंपनीत गुंतवणूक असून, त्यांच्याकडे ३.२३ टक्के हिस्सा आहे. यानुसार, राकेश झुनझुनवाला आणि पत्नी रेखा झुनझुनवाला यांची स्टार हेल्थ इन्शुरन्स कंपनीत एकूण १७.२६ टक्के हिस्सेदारी आहे. याची एकूण किंमत ९ हजार ४७० कोटींच्या घरात आहे.

8 / 9

स्टार हेल्थ कंपनीच्या ७ हजार २४९ कोटींच्या IPO ला केवळ ७९ टक्के बोली मिळू शकली. या IPO अंतर्गत कंपनीने २ हजार कोटी रुपयांचे नवे शेअर्स जारी केले होते. तर, ५२४९ कोटी रूपयांचे इक्विटीची ऑफर फॉर सेल अंतर्गत विक्री केली जाणार होती.

9 / 9

केवळ मागील दोन महिन्यात Rakesh Jhunjhunwala यांनी शेअर मार्केटच्या माध्यमातून तब्बल १२६ कोटींची कमाई केली आहे. यामध्ये टाटा ग्रुपसह अन्य काही कंपन्यांचा समावेश आहे. या कंपन्यांतील गुंतवणुकीने राकेश झुनझुनवाला यांना भरघोस रिटर्न्स दिल्याचे पाहायला मिळत आहे.