देशात मोबाइल युझर्सची संख्या वाढली; Jio, Airtel ला फायदा; Vi समोरील टेन्शन वाढलं

1 / 9

देशात टेलिकॉम ग्राहकांच्या संख्येत किरकोळ वाढ झाली आहे. नोव्हेंबर २०२१ च्या अखेरीस देशभरातील दूरसंचार ग्राहकांची संख्या ११९.१ कोटींवर पोहोचली आहे. भारतीय दूरसंचार नियामक प्राधिकरणाच्या (TRAI) आकडेवारीवरून ही माहिती समोर आलीये.

2 / 9

ट्रायने दिलेल्या माहितीनुसार, या काळात रिलायन्स जिओ (Reliance Jio) आणि भारती एअरटेलच्या (Bharti Airtel) या कंपन्यांच्या ग्राहकांच्या संख्येत वाढ झाली.

3 / 9

याशिवाय रिलायन्स जिओने फिक्स्ड लाइन ब्रॉडबँड (Fixed Line Broadband) ग्राहकांच्या संख्येच्या बाबतीत बीएसएनएलला (BSNL) मागे टाकले आहे. या श्रेणीतील त्यांच्या कनेक्शनची संख्या ४३.४ लाखांवर गेली आहे. आतापर्यंत या क्षेत्रात सार्वजनिक क्षेत्रातील कंपनी बीएसएनएलचे वर्चस्व होतं.

4 / 9

नोव्हेंबर २०२१ च्या अखेरीस देशातील मोबाइल ग्राहकांची एकूण संख्या ११६.७५ कोटी झाली आहे. ट्रायच्या मासिक अहवालात ही माहिती देण्यात आली आहे. महिन्याभरात मोबाइल आणि फिक्स्ड लाईन कनेक्शनमध्ये वाढ झाली आहे. ऑक्टोबर २०२१ च्या अखेरीस मोबाइल ग्राहकांची एकूण संख्या ११६.६३ कोटी होती.

5 / 9

दरम्यान, दुसरीकडे रिलायन्स जिओने (Reliance Jio) दूरसंचार विभागाला (DoT) ३०,७९१ कोटी रुपयांचे (व्याजासह) डिफर्ड स्पेक्ट्रम दायित्वाचे (deferred liability) प्रीपेड पेमेंट केलं आहे.

6 / 9

रिलायन्स जिओनं यासंदर्भातील माहिती दिली. याशिवाय जिओने गेल्या वर्षी भारती एअरटेलकडून (Bharti Airtel) ५८५.३ मेगाहर्ट्झ स्पेक्ट्रमही विकत घेतले.

7 / 9

दूरसंचार विभागाने (DoT) डिसेंबरमध्ये दूरसंचार कंपन्यांना (Telecom Companies) डिफर्ड स्पेक्ट्रम दायित्वांचे प्रीपेमेंट करण्याची सुविधा उपलब्ध करून दिली होती.

8 / 9

या पेमेंटसह, रिलायन्स जिओने आता ट्रेडिंगच्या माध्यमातून २०१४-२०१५ मध्ये संपादन केलेल्या स्पेक्ट्रमसाठी संपूर्ण दायित्वांचं प्रीपेड पेमेंट केलं आहे.

9 / 9

जिओने २०१६ मध्ये घेतलेल्या स्पेक्ट्रमसाठी ऑक्टोबर महिन्यात प्रीपेमेंटचा पहिला हप्ता भरला होता. हे दायित्व आर्थिक वर्ष २०२३ पासून भरायचे होते आणि ते आर्थिक वर्ष वर्ष २०३५ पर्यंत अदा करता येणार होते. परंतु यावर ९.३-१०% वार्षिक दराने व्याज आकारले गेले असते. दरम्यान, जिओच्या या प्रीपेमेंटमुळे प्रति वर्ष १,२०० कोटी रुपयांची बचत होईल.