... तर 1 लाखाचे होतील 22 हजार; पैशांची बचतच नव्हे, गुंतवणूकही आवश्यक

1 / 9

बचत करण्याची सवय जितकी चांगली आहे, तितकीच आवश्यकता आहे ही रक्कम गुंतविण्याची. गुंतवणूक केल्यास रक्कम दरवर्षी वाढत जाते.

2 / 9

मात्र, घरातच ठेवलेल्या पैशांची किंमत कमी होत जाते. पैशाचे मूल्य कमी होऊ नये, यासाठी आवश्यक गोष्टींची आज आपण चर्चा करू या.

3 / 9

६ टक्के परताव्याचे हवे नियोजन - वाढत्या महागाईमुळे पैशांची किंमत कमी होत जाते. सरासरी ६% दराने महागाई वाढल्यास १ लाख रुपयांची किंमत २५ वर्षांत २२ हजार रुपये राहील.

4 / 9

१ लाखाचे मूल्य टिकविण्यासाठी तुमच्या गुंतवणुकीवर किमान ६ टक्के दराने परतावा तुम्हाला मिळायला हवा.

5 / 9

एसआयपीने तुम्ही होऊ शकता कोट्यधीश -दरमहा ५ हजार रुपये ‘सिस्टमेटिक इन्व्हेस्टमेंट प्लॅन’मध्ये (एसआयपी) गुंतविल्यास वार्षिक १३% परताव्याच्या हिशेबाने २५ वर्षांत कोट्यधीश होऊ शकता. जास्त पैसे गुंतविल्यास लवकरच कोट्यधीश व्हाल.

6 / 9

गरज पडली तरच काढा पैसे - बाजारात चढ-उतार झाले तरी अजिबात पैसे काढू नका. इक्विटी गुंतवणूक साधारण ३ वर्षांत चांगला परतावा देते.

7 / 9

त्यामुळे किमान ३ वर्षे गुंतवणूक राहील, हे पाहणे आवश्यक आहे. अत्यंतिक गरज असेल, तेव्हाच हे पैसे काढा.

8 / 9

‘ईएलएसएस’मध्ये कर सवलत -‘इक्विटी लिंक्ड सेव्हिंग्ज स्कीम’मधील (ईएलएसएस) गुंतवणुकीवर आयकर कायद्याच्या कलम ८०सी अन्वये ४६,८०० रुपयांपर्यंत कपातीचा लाभ मिळतो. एक वर्षात १.५ लाख रुपयांपर्यंतच्या गुंतवणुकीवर कर सवलत मिळते.

9 / 9

निगेटिव्ह परताव्यापासून सावध राहा - महागाईपेक्षा कमी परतावा मिळाल्यास त्यास नकारात्मक परतावा (निगेटिव्ह रिटर्न) म्हणतात. नकारात्मक परताव्यापासून वाचण्यासाठी किमान ६ टक्के परतावा मिळेल, अशाच ठिकाणी गुंतवणूक करा.