भारतीय क्रिकेटपटूसह 'डेट'वर जायला सुंदरी तयार, पण ठेवली एक अट...

कोरोना व्हायरसचा प्रादुर्भाव दिवसेंदिवस वाढताना पाहायला मिळत आहे. अशात क्रीडा स्पर्धा कधी चालू होतील, हे आताच सांगणे अवघड आहे.

अशात क्रीडापटू सोशल मीडियाच्या माध्यमातून एकमेकांशी आणि चाहत्यांशी संवाद साधत आहेत.

अशाच एका व्हिडीओ चॅट दरम्यान भारताचा सलामीवीर मुरली विजयनं एका सुंदरीसोबत डिनर डेटवर जाण्याची इच्छा व्यक्त केली होती.

व्हिडीओ चॅटींग करताना मुरलीनं दोन खेळाडूंसोबत डिनरला जायला आवडेल, असं मत व्यक्त केलं. या दोन व्यक्तिंमध्ये एलिसा पेरी आणि शिखर धवन यांचा समावेश आहे.

एलिसा पेरीबद्दल तो म्हणाला,''एलिसा सुंदर आहे, तिच्यासोबत मला डिनरला जायला आवडेल.''

त्यावर ऑस्ट्रेलियन खेळाडूनं उत्तर दिलं. तिनं मुरलीसोबत डिनर डेटवर जाण्यास होकार दिला, परंतु एक अट ठेवली.

एलिसा म्हणाली,''मी डिनर डेटवर जायला तयार आहे, फक्त बिल मुरलीनं भरायला हवं. त्यानं केलेल्या कौतुकावर मी फिदा झाली.''

ऑस्ट्रेलियाच्या वर्ल्ड कप विजयी महिला संघाची ती सदस्य आहे. ट्वेंटी-20 क्रिकेटमध्ये 120 सामन्यांत तिच्या नावावर 1218 धावा आणि 114 विकेट्स आहेत.

वन डे क्रिकेटमध्येही तिची सरासरी 52.10 इतकी आहे. तिनं 112 वन डे सामन्यांत 3022 धावा केल्या आहेत, तर 152 विकेट्स घेतल्या आहेत.

पेरीनं 8 कसोटी सामन्यांत द्विशतकासह ( 213*) 78च्या सरासरीनं 624 धावा केल्या आहेत, तर 31 विकेट्सही घेतल्या आहेत.