'ऑनर किलिंग'... आंतरजातीय विवाह केला म्हणून भावांकडून बहिणीची हत्या

1 / 7

मैनपुरी: आंतरजातीय विवाह करणाऱ्या एका तरुणीची तिच्या भावांनीच हत्या केल्याचे धक्कादायक घटना उत्तर प्रदेशातील मैनपुरीमध्ये घडली आहे.

2 / 7

या तरुणीने आपल्या आंतरजातीय तरुणासोबत प्रेमविवाह केला होता. कुटुंबीयांकडून होणारा विरोध पाहता या दोघांनी एका मंदिरात विवाह केला होता.

3 / 7

या विवाहानंतर मनात राग असलेल्या तरुणीच्या भावाने तिला विश्वासात घेऊन दिल्लीहून मैनपुरी या गावी बोलावून घेतले. गावी आल्यानंतर याठिकाणी भावाने आपल्या इतर दोन भावांसोबत मिळून या बहिणीची हत्या केली.

4 / 7

विशेष म्हणजे, बहिणीची हत्या केल्याचे उघड होऊ नये, यासाठी या तिघा भावांनी मिळून आपल्या बहिणीचा मृतदेह जमिनीत पुरून नष्ट करण्याचाही प्रयत्न केला.

5 / 7

माहेरी गेलेली पत्नी परतली नाही. त्यामुळे तरुणीच्या पतीने दिल्ली पोलिसांत तक्रार दाखल केली. यानंतर पोलिसांनी तरुणीच्या भावांची चौकशी केली.

6 / 7

पोलिसांनी केलेल्या या चौकशीत तरुणीची हत्या करण्यात आल्याची धक्कादायक घटना उघडकीस आली. आरोपींनी गुन्हा मान्य केल्यानंतर दिल्ली पोलीस मैनपुरीला दाखल झाले.

7 / 7

दिल्ली पोलिसांनी स्थानिक पोलिसांच्या मदतीने शेतात जाऊन जेसीबीच्या साहाय्याने जमीन खोदून तरुणीचा विघटन झालेला मृतदेह ताब्यात घेतला.