"मोदीला मी देव मानत नाही"; उद्धव ठाकरेंनी तुळजापुरातून रणशिंग फुंकले

1 / 9

शिवसेना उबाठा पक्षाचे प्रमुख उद्धव ठाकरे दोन दिवसीय धाराशिव दौऱ्यावर असून धाराशिवमधूनच त्यांनी आगामी लोकसभा निवडणुकांचं रणशिंग फुंकलं आहे.

2 / 9

धाराशिव लोकसभा मतदारसंघातील औसा, उमरगा आणि तुळजापूर येथे उद्धव ठाकरेंनी जाहीर सभांना संबोधित केले. मी माझ्या निष्ठावंत आणि शिवसैनिकांशी संवाद साधत असल्याचं त्यांनी म्हटलं.

3 / 9

उद्धव ठाकरेंनी आपल्या भाषणात लोकसभा निवडणुकीत शिवसेना मशाल चिन्हावरील उमेदवाराला निवडून देण्याचं आवाहन जनतेला केला. तसेच, मोदी-शाह यांच्यावर घणाघात केला.

4 / 9

उद्धव ठाकरेंनी भाजपा आणि मुख्यमंत्री एकनाथ शिंदेंवर जोरदार हल्लाबोल केला. भाजपला मोठा गर्व झाला आहे, या गर्वाचं घर आपण खाली करायचंय, असे म्हटले.

5 / 9

भाजपात केवळ दोनच नेत्यांचं चालत असल्याचं म्हटलं. यावेळी, उद्धव ठाकरेंनी मोदींना स्वागतासाठीच्या पुष्पहारातही दुसरा माणूस चालत नसल्याचे सांगत राजनाथसिंह यांचे उदाहरणही दिले.

6 / 9

अमित शाह तुम्ही जर कोणत्या दैवताला मानत असाल, मोदी सोडून. मोदीला मी देव मानत नाही, मी माझ्या आई भवानीला देवी मानतो, देवता मानतो.

7 / 9

ती आमची आई आहे. तिच्या साक्षीने, तिची शपथ घेऊन मी जनता जनार्दनाला सांगतो की, भाजपाने माझ्या, आपल्या पाठीत वार केला, असे उद्धव ठाकरेंनी म्हटले.

8 / 9

मी खुर्चीसाठी, सत्तेसाठी कधीही आसुसलेला नव्हतो, अडीच वर्षे जी मी मागितली होती ती शिवसेनेसाठी मागितली होती माझ्यासाठी नव्हती, असे म्हणत उद्धव ठाकरेंनी पुन्हा एकदा भाजपानेच दगाफटका केल्याचं म्हटलं आहे.

9 / 9

दरम्यान, उद्धव ठाकरे आजही धाराशिव लोकसभा मतदारसंघातील विविध ठिकाणी सभा घेणार आहेत. धाराशिवचे विद्यमान खासदार ओमराजे निंबाळकर यांनी ठाकरेंप्रति निष्ठा जपत शिंदेंसोबत न जाण्याचा निर्णय घेतला होता.