Photos: शाहरुखसोबत काम करण्यास 'या' ५ अभिनेत्रींनी दिला नकार

1 / 6

बॉलिवूड अभिनेता शाहरुख खानसोबत काम करण्याची संधी मिळावी ही प्रत्येक नवोदित कलाकाराची इच्छा असते.

2 / 6

नयनतारा - शाहरुख लवकरच तमिळ दिग्ददर्शक अॅटलीच्या आगामी चित्रपटामध्ये काम करणार आहे. या चित्रपटामध्ये शाहरुखसोबत नयनतारा, प्रियामणी, योगी बाबू, सान्या मल्होत्रा आणि सुनील ग्रोव्हर अशी तगडी स्टार कास्ट आहे. मात्र, आता ऐनवेळी नयनताराने या चित्रपटातून काढता पाय घेतला आहे. ऑक्टोबरमध्ये नयनताराने तिच्या डेट्स दिल्या होत्या. परंतु, सध्या शाहरुख त्याच्या मुलाला आर्यनला ड्रग्स प्रकरणातून सोडवण्याचा प्रयत्न करत असल्यामुळे त्याला चित्रीकरणासाठी वेळ नाही. तसंच त्यानंतर पुढील डेट्स देणं नयनताराला शक्य नसल्यामुळे तिने हा चित्रपट सोडल्याचं म्हटलं जात आहे.

3 / 6

समंथा - तमिळ दिग्ददर्शक अॅटलीच्या आगामी लायन चित्रपटात शाहरुख आणि समंथा ही जोडी झळकणार होती. मात्र, त्यावेळी समंथा व तिचा पूर्वाश्रमीचा पती नागा चैतन्य फॅमिली प्लॅनिंग करत होते. त्यामुळे तिने हा चित्रपट सोडला होता. तिच्याऐवजी ही भूमिका नयनताराला ऑफर करण्यात आली होती. मात्र,आता समंथाचा नागा चैतन्यसोबत घटस्फोट झाल्यानंतर ती पुन्हा या चित्रपटात झळकणार असल्याचं म्हटलं जात आहे.

4 / 6

कंगना रणौत - बॉलिवूडची क्वीन कंगना रणौतनेदेखील शाहरुखसोबत काम करण्यास नकार दिला होता. आनंद एल. राय यांच्या झीरो चित्रपटात कंगनाला शाहरुखसोबत काम करण्याची ऑफर मिळाली होती. मात्र, तिच्या भूमिकेला फारसं महत्त्व नसल्यामुळे तिने ही भूमिका नाकारली होती.

5 / 6

करिश्मा कपूर - कुछ कुछ होता है या चित्रपटासाठी करिश्माला विचारणा करण्यात आली होती. मात्र, तिने या चित्रपटासाठी नकार दिला होता.

6 / 6

श्रीदेवी - बॉलिवूडची दिवंगत अभिनेत्री श्रीदेवी यांचं निधन होऊन आज बराच काळ लोटला आहे. मात्र, त्यांच्या सुपरहिट चित्रपटांच्या माध्यमातून त्या आजही प्रेक्षकांच्या स्मरणात आहेत. विशेष म्हणजे त्यांनीदेखील शाहरुखसोबत काम करण्यास नकार दिला होता. डर चित्रपटाची त्यांना ऑफर मिळाली होती. परंतु, त्यांनी हा चित्रपट नाकारल्यामुळे यात जुही चावला झळकली.