Corona Vaccination : लवकरच मिळेल नाकावाटे लस!, दुसऱ्या टप्प्यातील चाचण्यांना मंजुरी

1 / 8

कोरोनाप्रतिबंधक लसीकरण मोहिमेला देशात आता वेग आला आहे. ५० कोटींहून अधिक लोकांचे लसीकरण झाले आहे. पाच लसी दिमतीला आहेत. त्यातच नाकावाटे दिल्या जाणाऱ्या लसीचेही आगमन होण्याच्या मार्गावर आहे.

2 / 8

नाकावाटे दिली जाणारी बीबीव्ही१५४ ही भारताची पहिली लस आहे. भारत बायोटेक आणि सेंट लुसियाचे वॉशिंग्टन विद्यापीठ यांच्या संयुक्त विद्यमाने ही लस तयार केली जात आहे.

3 / 8

जानेवारी महिन्यात या लसीच्या पहिल्या चाचणीला सुरुवात झाली. त्यात १८ ते ६० या वयोगटातील स्वयंसेवक सहभागी झाले होते. लसीच्या दुसऱ्या नैदानिक चाचण्यांना परवानगी देण्यात आली आहे.

4 / 8

इतर लसी दंडातील रक्तपेशीत इंजेक्ट केल्या जातात. नाकावाटे दिल्या जाणाऱ्या लसीचे दोन-तीन थेंब नाकात टाकले जातात. इंजेक्शन देण्याची गरज नसते.

5 / 8

नोझल स्प्रेसारखीच ही लस आहे.तसाही कोरोना नाकावाटेच शरीरात पसरतो. त्यामुळे नाकावाटे दिली जाणारी लसही कोरोनाला आरंभस्थानीच अटकाव करते. ही सिंगल डोस लस आहे.

6 / 8

भारत बायोटेकने घेतलेल्या या लसीच्या नैदानिक चाचण्यांमध्ये कोणत्याही स्वयंसेवकावर लसीचे दुष्परिणाम जाणवले नाहीत.

7 / 8

नाकात प्रतिकारशक्ती वाढीस लागल्यानंतर कोरोना विषाणू फुफ्फुसापर्यंत जाऊ शकणार नाही. आरोग्य सेवकांना प्रशिक्षण देण्याची गरजच भासणार नाही.

8 / 8

उत्पादन सहजसोपे असल्याने लस वाया जाण्याचा धोकाही कमी. लस कुठेही नेता येणे शक्य. साठवणुकीचा फारसा प्रश्न निर्माण होणार नाही.