CoronaVirus News : जगभरात 150 हून अधिक कोरोना लसींवर संशोधन, जाणून घ्या लस विकसित करण्याची पद्धत

1 / 16

जगभरात कोरोनाग्रस्तांची संख्या ही सातत्याने वाढत आहे, कोरोनामुळे अनेक ठिकाणी गंभीर परिस्थिती निर्माण झाली असून लाखो लोकांचा मृत्यू झाला आहे.

2 / 16

कोरोनावर लस शोधण्यासाठी जगभरात संशोधन केलं जात आहे. सध्या 150 हून अधिक कोरोना लसींवर संशोधन सुरू आहे. लस विकसित करण्यासाठी वेगवेगळे प्रयत्न सुरू आहेत.

3 / 16

मानवी शरीरातील SARS-CoV-2 ओळखण्यासाठी प्रयत्न करण्यात येत आहे. आपल्या शरीरातील पेशींवर ACE-2 रिसेप्टर असतात. जे व्हायरसवर असलेल्या स्पाइक प्रोटीनचे लक्ष्य असतात. व्हायरस आपल्या शरीरात प्रवेश करतात.

4 / 16

शरीरात दाखल झाल्यानंतर व्हायरस रेप्लिकेट होतात आणि संसर्ग शरीराच्या इतर भागात पोहचतो. या व्हायरसशी लढण्यासाठी आपल्या शरीरात अँटीबॉडी आणि टी-सेल असतात. शरीरात रोग प्रतिकारक शक्ती निर्माण करणं हे लसीचं काम असतं.

5 / 16

लस विकसित करणारे शास्त्रज्ञ व्हायरसचा वापर करून लस विकसित करत आहेत. त्यासाठी व्हायरसचं इनॅक्टीव्ह व्हर्जनचा वापर केला जात आहे. व्हायरस कमकुवत करण्यासाठी म्युटेशन होईपर्यंत प्राण्यांच्या पेशींद्वारे ही क्रिया सुरू असते.

6 / 16

म्युटेशनमुळे या आजाराचा प्रसार होत नाही. तर व्हायरसला इनॅक्टिव्ह करण्यासाठी फॉर्मलडिहाइड अथवा उच्च तापमानावर ठेवले जाते. त्यामुळे त्याचा संसर्ग होत नाही.

7 / 16

मानवाच्या शरीरात हा व्हायरस सोडला जातो. त्यानंतर मानवी शरीरात अँटीबॉडी आणि टी-सेल निर्माण होतात. शरीरात घातक व्हायरसचा शिरकाव झाल्यास त्याचा सामना करण्यास शरीरातील रोगप्रतिकारक शक्ती तयार असते.

8 / 16

व्हायरल वेक्टर लशीसाठी गोवर (measles) अथवा सामान्य सर्दी (adenovirus) निर्माण करणाऱ्या व्हायरसमध्ये जेनेटिकली बदल केले जातात. त्यामुळे शरीरात व्हायरस स्पाइक प्रोटीनची निर्मिती करतात.

9 / 16

हे अतिशय कमकुवत असतात. त्यामुळे शरीरात आजाराचा प्रसार होत नाही. अशा प्रकारची लस अतिशय सुरक्षित समजली जाते आणि प्रभावीपणे रोगप्रतिकार शक्ती निर्माण करतात.

10 / 16

लसीमध्ये करोना व्हायरसच्या प्रोटीन, विशेषत: स्पाइक प्रोटीन बनवणाऱ्या डीएनए अथवा आरएनए मानवी शरीरांच्या पेशीत दिले जातात. यामुळे रोग प्रतिकारक शक्ती निर्माण होते.

11 / 16

शरीरात व्हायरल प्रोटीन झाल्यामुळे त्यांना व्हायरस समजून अँटीबॉडी आणि सेल्यूर इम्यून निर्माण केले जातात. ही पद्धत सुरक्षित असली तर आतापर्यंत प्रभावी असल्याची माहिती समोर आलेली नाही.

12 / 16

काही संशोधक करोना व्हायरसच्या प्रोटीनला थेट शरीरात इंजेक्ट करण्याचा मार्ग सुचवतात. अशावेळी प्रोटीन अथवा प्रोटीन शेलच्या तुकड्यांना जे कोरोना व्हायरसच्या बाहेरील भागांसारखे असतात त्यांना इंजेक्ट केले जाते.

13 / 16

शरीरात हे रोगप्रतिकारक शक्ती निर्माण करण्याचे काम करतात असं म्हटलं जातं. एका हिंदी वेबसाईटने याबाबतचे वृत्त दिले आहे.

14 / 16

देशात विकसित होत असलेल्या भारत बायोटेक कंपनीच्या Covaxin बाबत आनंदाची माहिती मिळत आहे. स्वदेशी लसीची प्राण्यांवरील चाचणी यशस्वी झाली आहे. भारत बायोटेक कंपनीने मोठी घोषणा केली आहे.

15 / 16

मीडिया रिपोर्टनुसार, लाईव्ह व्हायरल चॅलेंज मॉडेलमध्ये प्राण्यांवर केलेल्या प्रयोगात ही लस सुरक्षित असल्याचं दिसून आलं आहे. बायोटेकने आपल्या ट्विटर अकाऊंटवरून याबाबतचं ट्विट देखील केलं आहे.

16 / 16

माकडांवर केलेल्या लशीच्या प्रयोगानंतर त्यांच्यातील रोगप्रतिकारक शक्ती विकसित झालेली दिसून आली आहे. भारत बायोटेक आणि आयसीएमआर मिळून कोवॅक्सीन विकसित करत आहे.