CoronaVirus News : हँड सॅनिटायझरची खरेदी करताना 'या' गोष्टी चेक करता का?; FDAने दिला मोलाचा सल्ला
By ऑनलाइन लोकमत | Published: July 08, 2020 2:56 PM
1 / 17देशात कोरोनाचा उद्रेक पाहायला मिळत आहे. कोरोनाग्रस्तांचा आकडा ही वेगाने वाढत आहे. भारतातील कोरोनाग्रस्तांची संख्या सात लाखांहून अधिक झाली असून आतापर्यंत 20,000 हून अधिक लोकांना आपला जीव गमवावा लागला आहे.2 / 17कोरोनाग्रस्तांवर रुग्णालयात योग्य उपचार केले जात असून अनेकांना क्वारंटाईन करण्यात आले आहे. कोरोनाचा संसर्ग रोखण्यासाठी सर्वच देशांमध्ये खबरदारीचे उपाय केले जात आहेत. 3 / 17कोरोना व्हायरसपासून बचावासाठी वेगवेगळया माध्यमातून जागृती केली जाते. यापासून बचावाचा मार्ग म्हणजे सतत आपले हात धुणे आणि मास्कचा वापर करणे.4 / 17लोक स्वतःचा बचाव करण्यासाठी सॅनिटायझरचा वापर करत आहेत. सॅनिटायझरचा तुडवडा निर्माण झाला असून त्याची किंमत वाढली आहे. अनेक ठिकाणी बनावट सॅनिटायझरची विक्री केली जात आहे.5 / 17काही दिवसांपूर्वी केंद्रीय अन्वेषण विभागाने (CBI) सॅनिटायझरबाबत लोकांना अलर्ट केलं होतं. बऱ्याच ठिकाणी विषारी सॅनिटायझर विकले जात असल्याची संतापजनक माहिती समोर आली होती.6 / 17बनावट, घातक हँड सॅनिटायझरपासून सावध राहण्याचं देखील आवाहन करण्यात आलं आहे. सॅनिटायझरची निवड करताना कोणत्या गोष्टी महत्त्वाच्या असतात हे जाणून घेऊया.7 / 17सॅनिटायझर घेताना कोणती काळजी घ्यावी यासंबंधी फूड अँड ड्रग अ‍ॅडमिनिस्ट्रेशन (FDA) ने महत्त्वाची माहिती दिली आहे. नागरिकांना मोलाचा सल्ला दिला आहे. 8 / 17कोरोनापासून बचाव करण्यासाठी चांगल्या आणि प्रभावी हँड सॅनिटायझरमध्ये 70 ते 80 टक्के अल्कोहल असणं गरजेचं आहे. त्वचेला इजा होईल असं कोणतंही केमिकल नसावं.9 / 17हँड सॅनिटायझरमध्ये 60 ते 95 टक्के अल्कोहोल असल्यानं हँड सॅनिटायझर प्रभावी असतात. तेव्हाच ते जंतू आणि कोरोनासारख्या व्हायरसचा नाश करू शकतात.10 / 17सॅनिटायझरमध्ये अल्कोहोलचं प्रमाण हे 60 टक्क्यांपेक्षा कमी झालं तर ते व्हायरस नियंत्रणात ठेवू शकतात म्हणजे त्यांची वाढ होणार नाही मात्र ते त्यांचा नाश करू शकत नाहीत.11 / 17व्हायरसचा खात्मा करण्यासोबतच हाताची त्वचा उत्तम ठेवण्याचं काम सॅनिटायझरने करणं आवश्यक आहे. त्यामुळे त्याची खरेदी करताना त्यात कोणते घटक आहे हे एकदा नक्की तपासा.12 / 17बाजारात सध्या मिथेनॉल असलेले काही हँड सॅनिटायझर उपलब्ध आहेत. मात्र अशा सॅनिटायझरचा वापर करणं प्रकर्षाने टाळा. त्याऐवजी दुसऱ्या सॅनिटायझरची निवड करा.13 / 17मिथेनॉलपासून हे बनावट सॅनिटायझर तयार केले जात असून, मिथेनॉल हा एक अतिशय विषारी पदार्थ आहे. त्यामुळे हात स्वच्छ करण्यासाठी अशा सॅनिटायझरचा वापर करू नका.14 / 17काही ठिकाणी मिथेनॉल असलेले सॅनिटाझर विकले जात आहेत. त्यामुळे लोकांनी वेळीच सावध होण गरजेचं आहे अशी माहितीही एफडीएने दिली आहे. 15 / 17सॅनिटायझरची खरेदी करण्याआधी त्याची नीट माहिती घ्या. एकदा ते तपासून पाहा. त्यातील घटक कोणते आहेत आणि ते अपायकारक आहेत का हे जाणून घ्या. एका हिंदी वेबसाईटने याबाबतचे वृत्त दिले आहे. 16 / 17हँड सॅनिटायझर वारंवार खोलल्याने त्यातील अल्कोहोल उडून जातं. आणि काही कालावधीनंतर त्यातील अल्कोहोलची मात्रा कमी होते. अल्कोहोल 60 टक्क्यांपेक्षा कमी झाल्यास ते प्रभावी ठरत नाही.17 / 17सॅनिटायझरची बाटली उघडल्यानंतर त्याचा हवेशी संपर्क आल्यानंतर त्यातील अल्कोहोलची मात्रा कमी होते. सॅनिटायझरची बाटली उघडली नसेल तर ती लवकर एक्सपायर होणार नाही.