काय आहे Office Cold?, जाणून घ्या या आजारापासून बचावाचे उपाय

1 / 6

ऑफिसमध्ये असताना तुम्हालाही खूप थंडी वाजते, सर्दी-खोकला होतो आणि ऑफिसमधून बाहेर पडल्यानंतर तुमची प्रकृती अगदी ठीकठाक असते. याचा अर्थ तुम्ही 'ऑफिस कोल्ड'पासून पीडित आहात. सर्दी-ताप-खोकला येणे हे संसर्गजन्य आजार आहेत. यामुळे ऑफिस कोल्डपासून बचाव करण्यासाठी खालील उपाय करावेत

2 / 6

1. योग्य प्रमाणात पाणी प्यावे : योग्य प्रमाणात पाण्याचे सेवन केल्यास या आजारामुळे होणारे डिहायड्रेशनचा त्रास होणार नाही. यामुळे शरीरातील पाण्याचा स्तरदेखील कायम टिकून राहील.

3 / 6

2. हात स्वच्छ ठेवा : कोणत्याही आजारांपासून वाचण्यासाठी सर्वात सोपा उपाय म्हणजे हात नियमित स्वच्छ धुणे. हात धुण्यासाठी किमान 20 सेकंदांचा वेळ द्यावा. यामुळे तुम्ही स्वतःचेच नाही तर इतरांचे आरोग्य जपत असता.

4 / 6

3. छोटे-छोटे ब्रेक घ्या : 8 तासांच्या शिफ्टमध्ये छोटे-छोटे ब्रेक घेणे आवश्यक आहे. सलग आठ तास कोणताही ब्रेक न घेता काम करत राहिल्यास स्ट्रेस हॉर्मोन्स रिलीज होता. यामुळे शरीर कमकुवत होते आणि यामुळे सर्दी-खोकला लगेचच होऊ शकतो. संसर्गजन्य आजार होऊ नयेत यासाठी अधे-मधे ब्रेक घ्यावेत.

5 / 6

4. कॉफीऐवजी ग्रीन टी प्या : सकाळी कॉफीऐवजी ग्रीन टी प्यावी. ग्रीन टी आरोग्याच्या दृष्टीनं फायदेशीर असते. कारण ग्रीन टीमध्ये अन्टिऑक्सिडेंट असतात. यामुळे रोगप्रतिकारक क्षमता वाढते शिवाय आजारांचा संसर्ग होण्याचा धोका कमी होतो.

6 / 6

5.नियमित व्यायाम करा : केवळ वजन नियंत्रणात आणण्यासाठी व्यायाम करायचा नसतो. जर तुम्हाला धोकादायक संसर्गजन्य आजारांपासून बचाव करायचा असेल तर व्यायामाची बरीच मदत होते. व्यायामामुळे रोगप्रतिकारक शक्ती वाढते शिवाय तुम्ही निरोगीदेखील राहता.