'ऑफिस, सुरक्षा आणि पेन्शन'; महाभियोगाची प्रक्रिया सुरू असली तरी डोनाल्ड ट्रम्प यांना मिळणार मोठ्या सुविधा

1 / 10

अमेरिकेच्या राष्ट्राध्यक्षपदाच्या निवडणुकीत डेमोक्रेटिक पक्षाचे जो बायडेन यांना विजय मिळाला. परंतु डोनाल्ड ट्रम्प हे त्यांचा विजय स्वीकारण्यास तयार नव्हते. अनेकदा त्यांनी निवडणुकीच्या निकालात फेरफार झाल्याचाही आरोप केला होता.

2 / 10

त्यानतंर डोनाल्ड ट्रम्प यांच्या काही समर्थकांनी कॅपिटॉल बिल्डिंगमध्ये हिंसाचारही केला होता. दरम्यान, यानंतर ट्रम्प यांच्या महाभियोग लावण्याच्या प्रक्रियेला सुरूवात करण्यात आली. सीनेटला यासंदर्भातील प्रस्ताव पाठवण्यात आला आहे.

3 / 10

तसंच आता ही प्रक्रिया ट्रायलच्या स्वरूपात पुढे जाईल. परंतु या सर्व गोष्टी असल्या तरी डोनाल्ड ट्रम्प यांना माजी राष्ट्राध्यक्षांना मिळणाऱ्या सर्व सुविधा मिळतच राहणार आहे.

4 / 10

अमेरिकेत माजी राष्ट्राध्यक्षांना मिळणाऱ्या सुविधांमध्ये पेन्शन, सुरक्षा आणि कार्यालय यांसारख्या सुविधांचा समावेश होतो.

5 / 10

रॉयटर्स या वृत्तसंस्थेनं दिलेल्या वृत्तानुसार १९५८ मध्ये अमेरिकेत तयार करण्यात आलेल्या कायद्यानुसार कोणत्याही माजी राष्ट्राध्यक्षांना आयुष्यभर काही सुविधा देण्यात येतात.

6 / 10

सध्याच्या नियमानुसार ट्रम्प यांना एक कार्यालय, सीक्रेट सर्व्हिस प्रोटेक्शन, १ लाख डॉलर्स प्रति वर्ष स्टाफसाठी आणि २.२ लाख डॉलर्सचं पेन्शन देण्यात येतं. यापुढे डोनाल्ड ट्रम्प यांनादेखील या सुविधा मिळत राहणार आहेत.

7 / 10

डोनाल्ड ट्रम्प यांना आपलं कार्यालय कोणत्या ठिकाणी हवं आहे याचा निर्णयदेखील ट्रम्प यांचाच असेल. डोनाल्ड ट्रम्प यांनी काही दिवसांपूर्वीच वॉशिंग्टनहून फ्लोरिडा येथे जाण्याचा निर्णय घेतला होता.

8 / 10

१९५३ मध्ये अमेरिकेचे तत्कालिन राष्ट्राध्यक्ष हॅरी ट्रूमन यांचा कार्यकाळ पूर्ण झाला त्यावेळी त्यांच्यावर मोठं कर्ज होतं. त्यानंतच राष्ट्राध्यक्षांना सुविधा पुरवण्याचा नियम करण्यात आला.

9 / 10

सध्या अमेरिकेत बिल क्लिंटन, जॉर्ज बुश, बराक ओबामा यांसारख्या माजी राष्ट्राध्यक्षांना या सुविधांचा लाभ मिळत आहे.

10 / 10

जर कोणत्याही राष्ट्राध्यक्षांना त्यांच्या कार्यकाळादरम्यान हटवलं गेलं तरच त्यांना या सुविधा देण्यात येणार नाही, असादेखील नियम आहे. ट्रम्प यांच्यावर महाभियोगाची कारवाई सुरू असली तरी त्यांनी आपला कार्यकाळ पूर्ण केला आहे.