लग्नाच्या पहिल्याच रात्री १८ वर्षांच्या तरुणीचा मृत्यू; शरीर संबंधांदरम्यान घडला धक्कादायक प्रकार

1 / 9

लग्नानंतरची पहिली रात्र खूप महत्त्वाची असते. या रात्री पती-पत्नीमधील जवळीक वाढते. मात्र ब्राझीलमधील एका नवदाम्पत्यासाठी लग्नानंतरची पहिली रात्र काळरात्र ठरली. संसाराला सुरुवात करण्यापूर्वीच दाम्पत्याची सर्व स्वप्नं धुळीला मिळाली.

2 / 9

ब्राझीलमध्ये लग्नाच्या पहिल्याच रात्री नवविवाहितेचा मृत्यू झाला. यामुळे पतीला मोठा धक्का बसला. ब्राझीलच्या इबिराइट शहरात ही घटना घडली.

3 / 9

१८ वर्षांच्या तरुणीचा विवाह २९ वर्षांच्या तरुणासोबत संपन्न झाला. दोघांचं कुटुंब आनंदात होतं. मात्र हा आनंद फार काळ टिकू शकला नाही. लग्नानंतरच्या पहिल्याच रात्री तरुणीचा मृत्यू झाला.

4 / 9

पोलिसांनी दिलेल्या माहितीनुसार, पहिल्या रात्री शरीरसंबंध ठेवत असताना तरुणीची प्रकृती अचानक बिघडली. पतीला काही कळण्याआधीच ती कोसळली. हा संपूर्ण प्रकार पाहून पतीला धक्काच बसला.

5 / 9

पतीनं पत्नीला रुग्णालयात दाखल करण्यासाठी हालचाली सुरू केल्या. पत्नीला घेऊन तो रस्त्यापर्यंत आला. मात्र टॅक्सी चालकांनी रुग्णालयात नेण्यास नकार दिला. त्यामुळे बराच वेळ वाया गेला.

6 / 9

पतीनं रुग्णवाहिकेसाठी फोन केला. रुग्णवाहिकेसोबत वैद्यकीय कर्मचारी पोहोचले, त्यावेळी नवविवाहितेचा श्वास सुरू होता. मात्र त्यासाठी तिला बराच संघर्ष करावा लागत होता.

7 / 9

नवविवाहितेला हृदयविकाराचा झटका आल्याचं महिला वैद्यकीय कर्मचाऱ्यानं सांगितलं. महिलेला रुग्णवाहिकेतून रुग्णालयात नेलं जातं होतं. मात्र रस्त्यातच तिनं अखेरचा श्वास घेतला.

8 / 9

नवविवाहितेच्या मृत्यूनंतर शवविच्छेदन करण्यात आलं. मृत तरुणीला ब्रोंकाइटिस नावाचा आजार असल्याची माहिती त्यातून समोर आली. यामुळे श्वसन नलिकेत अडथळे निर्माण होऊन श्वास घेण्यात समस्या निर्माण होतात.

9 / 9

या प्रकरणी पोलिसांनी आकस्मिक मृत्यूची नोंद केली. तरुणीच्या शरीरावर कोणत्याही प्रकारच्या जखमांच्या खुणा नसल्याचं पोलिसांनी सांगितलं. तरुणीच्या मृत्यूआधी आपण कोणत्याही प्रकारचे आवाज ऐकले नाहीत, अशी माहिती शेजारच्यांनी पोलिसांना दिली.