Oxford नंतर चीनची लस होतेय यशस्वी, कोरोनाशी लढण्याची वाढवते ताकद...
By ऑनलाइन लोकमत | Updated: July 21, 2020 11:02 IST
1 / 9चीनमध्ये कोरोना व्हायरवर लस तयार करण्यासाठी प्रयत्न सुरु आहेत. मानवी चाचणीच्या दुसऱ्या टप्प्यात चीनच्या लसीने यश मिळविले आहे. ही लस मानवांसाठी सुरक्षित आहे असा दावा वैज्ञानिक आणि डॉक्टरांनी केला आहे. तसेच, शरीरातील रोगप्रतिकारक शक्ती मजबूत करते. यासंबंधीचा रिपोर्ट 'द लान्सेट' मासिकामध्ये प्रकाशित करण्यात आला आहे. 2 / 9चायना डॉट ओआरजी वृत्तानुसार, पहिल्या टप्प्याच्या तुलनेत दुसर्‍या टप्प्यातील जास्त लोकांवर लसीची चाचणी घेण्यात आली. फेज -१ मध्ये १०८ निरोगी लोकांवर प्रयत्न करण्यात आले. तर दुसर्‍या टप्प्यात ५०८ लोकांवर या लसीची चाचणी घेण्यात आली आहे. 3 / 9चीनच्या जियांशु प्रोव्हिंशियल सेंटर फॉर डिजीज कंट्रोल अँड प्रिव्हेंशनचे प्राध्यापक फेंगकाई झू यांनी सांगितले की, आम्ही या ५०८ लोकांमध्ये १८ ते ५५ वर्षे वयोगटातील लोकांचा समावेश केला. फेज -१ चाचणीपेक्षा फेज-२ पाचपट मोठे होते. 4 / 9द लॅन्सेटच्या वृत्तानुसार, वुहान शहरात चीनच्या लस Ad5 ची चाचणी घेण्यात आली. या लसीचा परिणाम सर्व वयोगटांवर घेण्यात आला. हे सर्व वयोगटातील कोरोना रूग्णांसाठी फायदेशीर असल्याचे तपासणीत निष्पन्न झाले आहे.5 / 9बीजिंग इन्स्टिट्यूट ऑफ बायोटेक्नॉलॉजीचे प्रोफेसर वेई चेन म्हणाले की, वृद्ध लोकांमध्ये कोरोनाचा सर्वाधिक धोका असतो. परंतु आमच्या लसीने दुसर्‍या टप्प्यात उत्कृष्ट निकाल दिला आहे. यामुळे अनेक बुजुर्ग बरे झाले. या सर्व लोकांच्या शरीराचा प्रतिकार वाढला आहे. 6 / 9कोरोना व्हायरसची लस बनविण्याची संपूर्ण जगभरात एक स्पर्धा आहे. चीनमध्ये बहुतेक काम आणि लसींवरील चाचण्या सुरू आहेत. दरम्यान, ऑक्सफोर्ड विद्यापीठाच्या ChAdOx1 nCoV-19 लसीच्या चाचणीला यश मिळाले आहे. 7 / 9ऑक्सफोर्ड विद्यापीठाने १००० निरोगी लोकांवर मानवी चाचण्या केल्या. ही चाचणी यशस्वी झाली. ChAdOx1 nCoV-19 या लसीमुळे केवळ मनुष्यांमध्ये कोरोना व्हायरस नष्ट झाला नाही तर त्यामुळे शरीरात रोगप्रतिकारक पेशीही तयार झाल्याचे सांगण्यात येते.8 / 9ऑक्सफोर्ड विद्यापीठाचा असा दावा आहे की, जर ChAdOx1 nCoV-19 चा डोस 14 दिवसांपर्यंत दिला गेला तर 28 दिवसांच्या आत मानवी शरीरातील कोरोना व्हायरसवर मात करण्यासाठी अँटीबडी तयार होतात.9 / 9दरम्यान, बर्‍याच देशांचे भक्कम दावे असूनही कोणती लस इतकी प्रभावी असेल हे सांगणे थोडे अवघड आहे. कारण अद्याप अनेक लसींवर मानवी चाचण्या होत आहेत. त्याचे निकाल अजून येणे बाकी आहेत.