CoronaVirus News: मोठ्या प्रमाणावर वापरल्या जाणाऱ्या 'या' औषधांसंदर्भात WHOने दिला गंभीर इशारा; होतील अधिक मृत्यू!

1 / 8

कोरोना महामारीदरम्यान अॅन्टीबायोटिक्सचा अधिक वापर होत असल्याने धोका वाढला आहे. अॅन्टीबायोटिक्सच्या अधिक वापरामुळे बॅक्टेरियाची प्रतिकारशक्ती वाढत आहे. यामुळे आता अधिक मृत्यू होतील, असे जागतीक आरोग्य संघटनेने (डब्ल्यूएचओ) म्हटले आहे.

2 / 8

theguardian.com ने दिलेल्या वृत्तानुसार, डब्ल्यूएचओचे डायरेक्टर जनरल टेड्रोस एडहेनम घेब्रियेसूस म्हणाले, अॅन्टीबायोटिक्सच्या वापराचा वाईट परिणाम केवळ कोरोना महामारीतच नाही, तर यानंतरही पाहायला मिळेल.

3 / 8

अॅन्टीबायोटिक्सच्या अधिक वापरावर डब्ल्यूएचओने चिंता व्यक्त केली आहे. यासंदर्भात बोलताना डब्ल्यूएचओने म्हटले आहे, की कोरोना व्हायरस संकटाच्या काळात हा ट्रेंड अधिक वाढू शकतो.

4 / 8

टेड्रोस सोमवारी म्हणाले, अशी अनेक उदाहरणे समोर आली आहेत, की बॅक्टेरियाने संक्रमित असलेल्या रुग्णांवर आता त्या औषधांचा कसलाही परिणाम दिसून येत नाही, ज्या औषधाने ते पूर्वी बरे होत होते.

5 / 8

टेड्रोस म्हणाले, कोरोना महारमारीच्या काळात अॅन्टीबायोटिक्सचा वापर वाढला आहे. यामुळे रुग्णांची आणि मरणारांची संख्या वाढेल.

6 / 8

डब्ल्यूएचओचे डायरेक्टर जनरल म्हणाले, की कोरोनाच्या काही रुग्णांनाच अॅन्टीबायोटिक्सची आवश्यकता असते. त्यांनी डॉक्टरांनाही आवाहन केले आहे, की बॅक्टेरियल इंफेक्शन नसताना, कोरोनाची सामान्य लक्षणे असणाऱ्या रुग्णांवर अॅन्टीबायोटिक थेरपीचा वापर करू नये.

7 / 8

अॅन्टीमायक्रोबियल रेझिस्टन्स यावेळचे सर्वात मोठ्या आव्हानांपैकी एक आहे, असे टेड्रोस यांनी म्हटले आहे. तसेच हे स्पष्टच आहे, की जग अत्यंत उपयोगी आणि आश्यक असलेल्या अॅन्टीमायक्रोबियल औषधाची क्षमता गमावत आहे.

8 / 8

टेड्रोस असेही म्हणाले, की काही देशांमध्ये अॅन्टीबायोटिक्सचा मोठ्या प्रमाणावर वापर होत आहे. तर गरीब देशांमध्ये औषधींची कमतरता असल्याने तेथील लोक समस्यांचा सामना करत आहेत.