1 / 11चीनच्या वुहान शहरातून पसरलेल्या कोरोना व्हायरसने जगभरातील १९० हून अधिक देशांना विळख्यात ओढलं आहे. आतापर्यंत ४८ लाखाहून जास्त लोकांना कोरोनाची लागण झाली आहे तर ३ लाखाहून जास्त मृत्यू झाले आहेत.2 / 11कोरोनामुळे अनेक देशांनी लॉकडाऊन सुरु केलं आहे. पण अत्यावश्यक सेवेसाठी बाहेर पडणाऱ्यांना, आरोग्य कर्मचारी यांना मास्क घालणे बंधनकारक केले आहे.3 / 11कोरोना विषाणूचा सामना करण्यासाठी पीपीई किट्स, मास्क घालणे बंधनकारक आहे. कारण हा व्हायरस संसर्गजन्य असल्याने कोरोनाग्रस्तांच्या संपर्कात येणाऱ्या व्यक्तीमुळे अनेकांमध्ये तो पसरण्याची शक्यता असते. 4 / 11काही देशांनी मास्क न घालणाऱ्यांना शिक्षेची तरतूदही केली आहे. एका देशात मास्क न घातल्यास तुम्हाला ३ वर्ष जेलची हवा खावी लागू शकते. 5 / 11अमेरिकेच्या केंटकी विद्यापीठातील वैज्ञानिक एक असा वैद्यकीय फेस मास्क तयार करण्याचे काम करत आहेत ज्यामुळे संपर्कात येणाऱ्या कोरोना विषाणूचा नाश होईल. 6 / 11डेली मेलच्या अहवालानुसार, मास्कच्या मेंब्रेनमध्ये एंजाइम्स असतील जे कोरोना विषाणूचा नाश करतील.7 / 11मास्कच्या मेब्रेनमध्ये असणारे एंजाइम्स कोरोना व्हायरसच्या एस प्रोटीनसोबत जोडले जातील आणि त्यामुळे कोरोना विषाणूचा खात्मा होईल. 8 / 11हा मास्क पातळ आणि नॉन टॉक्सिसदेखील असेल. विषाणूचा शोध घेतल्यानंतर त्याचा रंगही बदलेल. त्यामुळे माणसाला याची माहिती मिळेल.9 / 11केंटकी विद्यापीठात मास्क तयार करण्याच्या कामात गुंतलेल्या या टीमला ते तयार करण्यासाठी नॅशनल सायन्स फाउंडेशन कडून एक कोटी १३ लाखांचे अनुदान मिळाले आहे. शास्त्रज्ञांचे म्हणणे आहे की, हा मास्क तयार करण्यास सहा महिने लागू शकतात.10 / 11जर हा मास्क यशस्वी झाला तर जगभरातील आरोग्यसेवा कर्मचारी प्रथम त्याचा वापर करू शकतात. कोरोना रुग्णांच्या उपचारादरम्यान, आरोग्यसेवा कामगारांना रोज या विषाणूचा धोका असतो. जगातील अनेक देशांमध्ये पीपीईचा तुटवडादेखील आहे.11 / 11केंटकी विद्यापीठातील रासायनिक अभियांत्रिकी विभागाचे प्राध्यापक दिबाकर भट्टाचार्य म्हणाले की, आमच्याकडे एक विशेष मेंब्रेन तयार करण्याची क्षमता आहे जी एन ९५ मास्कसारखे व्हायरस काढून टाकेल आणि नंतर ती पूर्णपणे निष्क्रिय करेल.